Спирттік өнімдерді заңсыз сатып келген. Жергілікті тәртіп сақшылары базарларға жүргізген рейд барысында осындай айыппен 62 жастағы ер адамды ұстады.
Ол ішімдікті тиісті рұқсатсыз бірнеше ай бойы өткізіп келген. 1 литрін мың жарымнан сатқан. Бағасы өзге жерлерге қарағанда төмен болғасын, сатып алушылары да көп болған көрінеді. Полицейлер тергеп-тексеру барысында одан 135 литр алкоголь өнімін тәркілеп, сараптамаға жіберді. Аталған факті бойынша Әкімшілік құқық бұзушылық туралы кодексінің 463-бабына сәйкес материал жинақталды. Аталған бап негізінде 15 айлық есептік көрсеткіш көлемінде айыппұл салынуы мүмкін.
Жақсылық Байбосынов – Петропавл қаласы ПБ учаскелік полиция инспекторы:
– Жалпы, қаңтар айының басынан облыс полицейлері ішімдікті заңсыз саудалауға қатысты 8 фактіні анықтады. Тергеп-тексеру барысында 250 литрден астам спирт тәркіленді.
Казиканова Алтынай