“Qulager” ХК ағымдағы жылдағы алғашқы ойында жеңіліс тапты

Спорт

21:34 13 Қаңтар 2021

Құлагерлік хоккейшілер ағымдағы жылдағы алғашқы ойында жеңіліс тапты. Кеше жерлестеріміз сырт айдында қарағандылық “Сарыарқа” командасына есе жіберді.

Бұл матчта мұзға шайба тасталысымен айдын иелері басымдық танытты. Нәтижесінде олар кездесудің 12-ші минутында петропавлдықтардың қақпасынан саңылау тауып, есеп ашты. Көп ұзамай жерлестеріміз де шабуылды үдетті. Осылайша алғашқы периодтың соңында Федор Хорошев таразы басын теңестірді. Екінші периодта да қос команда өкілдері бір-бір шайбадан салды. Бір қызығы, бәсекенің соңғы кезеңінде де дәл осы сценарий қайталанды. Сөйтіп, ойынның негізгі бөлігі 3 те 3 есебімен аяқталды. Жеңімпазды анықтау үшін қарсыластар овертаймда күш сынасты. Бірақ, мұнда да мықты белгілі болмады. Ендігі кезек – буллит сериясында. Шешуші сында қарағандылықтардың бағы жанды. Қазіргі таңда солтүстікқазақстандық имек таяқ шеберлері турнирлік кестеде 7-ші орында тұр. Қоржында 45 ұпай бар.

Евгений Попитич – “Qulager” ХК шабуылшысы:

– Аздаған үзілістен кейін мұз айдынына қайта шықтық. Бапкеріміздің нұсқауын орындап, жақсы ойын өрнегін көрсеттік деп ойлаймын. Бірақ, бүгін қарсылас команданың жолы болды. Енді күш жинап, келесі матчқа дайындаламыз. Алдағы бәсекеде есе қайтару үшін барымызды саламыз.

 

Бердимурат Баймухан

Бұдан әрі оқыңыз

«Qyzyljar» ФК-ның биылғы бюджеті 1 млрд 350 млн теңгені құрайды
Жергілікті хокейшілер жеңіліске ұшырады
“Құлагер” ХК тағы да жеңіліс тапты
“Qyzyljar М” ФК жаңа маусымға дайындалуда
Жергілікті “Құлагер” ХК өскемендік “Торпедо” ХК кездесті
Петропавлда 120-ға жуық жеткіншек шорт-трекпен айналысады
Ел чемпионатында өнер көрсеткен зілтеміршілер Петропавлға оралды
«Qyzyljar» ФК жаңа маусымға дайындықты бастады
Солтүстікқазақстандық дзюдошы ел чемпионатының күміс жүлдегері атанды
“Qulager” қарымта кездесуде ұтылып қалды
“Qyzyljar” ФК Украинаның 2 командасына қарсы жолдастық кездесу өткізеді