Осыдан бір жыл бұрын Ақжар ауданындағы элеваторға қарақшылық шабуыл жасап, 170 млн теңгені тонауға қатысы бар деген күдікпен 2-ші адам ұсталды. Оның біреуі қаңтар айында құрықталған болатын.
Негізі елді елең еткізген оқиғаға 4 тұлғаның қатысы бар. Олар өткен жылдың күзінде “Талшық Астық LTD” серіктестігіне баса-көктеп кіріп, шолақ мылтықпен қызметкерлерді қорқытып, 170 млн теңгені қолды қылған. Жуырда Нұр-Сұлтан қаласында ұсталған күдікті жергілікті тергеу изоляторында қамауда отыр. Ол жасы 33-тегі Көкшетау тұрғыны болып шықты. Тәртіп сақшылары қалған топ мүшелерін іздестіруде.
Алдияр Айтпаев