Өңірдің шалғай елді мекендерінде орналасқан мектеп ұжымдарын білім берудің жаңа технологияларымен таныстыру. Бүгін осындай мақсатпен жергілікті “Өрлеу” филиалында республикалық “Ашық мектеп” журналының 50 данасы үлестірілді.
Бірі білсе, бірі білмес. Журнал 2 тілде басылып шығады. Тәуелсіздік күніне орай таратылып жатқан басылым Алматы қаласынан арнайы жіберіліпті. Бұл – туындының 200-ші шығарылымы екен. “Ашық мектеп” журналында 1-11-ші сыныптарға білім берудің озық әдіс-тәсілдері көрсетілген.
Гүлмира Алина – Алқатерек орта мектебі директорының орынбасары, Ақжар ауданы:
– Біз бұл журналдан әкімшілік ретінде өзімізге керек педагогикалық кеңестер, семинарлар, ата-аналар жиналысын өткізуге керек мәліметтерді ала аламыз. Журнал – педагогтар үшін үлкен көмек. Сондай-ақ, мұнда олар өздерінің мақалаларын да жариялай алады және ата-аналарға да түрлі кеңестер берілген.
Бердимурат Баймухан