“Динамо” қоғамының құрылғанына – 95 жыл

Құқық қорғау органдары

21:46 10 Желтоксан 2020

Ондаған жылдар бойы полиция қызметкерлерін физикалық тұрғыда дайындаған жандардың төл мерекесі. Биыл “Динамо” дене шынықтыру-спорттық қоғамының құрылғанына 95 жыл толды. Мұнда өңірдің құқық қорғау саласында еңбектенетін 3 мыңнан аса маман жаттығады. Олардың тек жартысы – тәртіп сақшылары.

Мықты, батыл, жүйрік әрі жылдам. Бұл – құқық қорғау саласында еңбектенетін әрбір жанға қойылатын басты талаптардың бірі. Спортпен шұғылданып, дене бітімін қалыпты ұстау үшін өңір тәртіп сақшылары үшін “Динамо” қоғамы жұмыс істеуде. Мұнда полиция қызметкерлері түрлі секцияларға қатысып, дене шынықтырумен айналысады.

Марат Тулебаев – СҚО ПД бастығы:

– Полицейдің қызметі мен спорт – қатар жүретін ұғымдар. Себебі, тек физикалық тұрғыда жақсы дайындалған, рухы мықты тәртіп сақшысы ғана өз алдына қойылған міндеттерді абыроймен атқара алады.

“Динамо” қоғамының солтүстікқазақстандық филиалында 28 дене шынықтыру ұжымы бар. Оған құқық қорғау саласының 3 мыңнан аса маманы қатысады. Тең жартысы – тәртіп сақшылары. Спорт пен қызметін қатар алып жүретін жандарды атаулы күнмен жеңіл атлетика бойынша халықаралық дәрежедегі спорт шебері Михаил Литвин құттықтады.

Михаил Литвин – жеңіл атлетика бойынша халықаралық дәрежедегі спорт шебері:

– Сіздердің қызметіңіз барша халық үшін өте маңызды. Еліміз бен халқымыз үшін еңбектеніп жүргендеріңізге алғыс білдіремін. Сондай-ақ, баршаңызды «Динамо» дене шынықтыру-спорттық қоғамының 95 жылдық мерейтойымен құттықтағым келеді.

Шараға “Динамо” қоғамында түрлі жылдары еңбектенген спортшылар мен инструкторлар шақырылды. Олар ондаған жылдар бойы тәртіп сақшыларын самбо және қоян-қолтық ұрыстан жаттықтырған болатын. Бапкерлердің барлығы “Динамо”-ның 95 жылдығына арналған естелік медальмен марапатталды.

 

 

 

Эльмира Садвокасова

Бұдан әрі оқыңыз

СҚО-да былтыр алкогольді ішімдікті лицензиясыз сатудың 185 фактісі тіркелген
62 жастағы петропавлдық заңсыз спирттік ішімдік сатқан
Желілік бөлім қызметкерлері ҰОС ардагерін мерекемен құттықтады
Полицейлер қала тұрғынынан наган тапаншасын тәркіледі
СҚО ПД бастығы биыл 40-қа жуық азаматтық қабылдау өткізген
Қаңғыбас жандар қабылдап-тарату орнына жеткізілуде
Петропавлда жол-көлік апаты болып, 5 адам ауруханаға жеткізілді
Полицейлер жолда қалған көлік жүргізушілеріне көмектесті
Литва елінен бет алған жүк көлігі діттеген жерге жеткізілді
СҚО-да тергеу жұмыстарының 50%-дан астамы онлайн өткен
Спайс сатумен айналысқан петропавлдық 7 жылға темір торға тоғытылды
Өңірде ауа райының қолайсыздығына байланысты жолдар жабылды