Кеше петропавлдық “Құлагер” мен өскемендік “Алтай Торпедо” командалары арасында қарымта кездесу өтті.
Айдын иелері бұл жолы да жеңіс тойын тойлады. Жерлестеріміз шығысқазақстандықтарды 4 те 1 есебімен ұтты. Теріскейліктер сапынан Денис Стасюк, Филипп Святына, Илья Ахметов пен Евгений Попитич сынды шеберлер көзге түсті. Қазір “Құлагер” хоккей клубы турнирлік кестеде 41 ұпаймен 4-ші орында тұр. Солтүстікқазақстандықтар келесі кездесулерін желтоқсанның 14-і мен 15-і күндері Петропавлда павлодарлық “Ертіс”-ке қарсы өткізеді.
Александр Троицкий – “Құлагер” ХК бас жаттықтырушысы:
– Құрама қойылған тапсырманы толық орындады. Қорғаныста да, шабуылда да сауатты ойнадық. Әрине, кейбір сәттерде қателіктер де болды. Алдағы уақытта тынбай жұмыс жасаймыз. Жанкүйерлерді қуантуға тырысамыз.
Алдияр Айтпаев