“Bars” БК ел чемпионатының 2-ші турын 1-ші орынмен аяқтады

Спорт

20:43 4 Желтоксан 2020

Жергілікті “Bars” баскетболшылары  ел чемпионатының 2-ші турын 1-ші орынмен аяқтады. Ойыншылардың ендігі мақсаты – қарқынға қарқын қосып, біріншіліктің соңында үздік үштіктен көріну. Спортшылар қазір дайындықты күшейткен. Келесі кезеңде жерлес баскетболшылар Алматы мен Шымкент қалаларының құрамаларымен кездеспек.

“Bars” баскетбол клубының ойыншылары күніне 2 рет жаттығады. Олар мына залға таңертең және кешкілік уақытта келіп, 2 жарым сағаттай тер төгеді. Құрама сапында 15 ойыншы бар. Барлығы – солтүстікқазақстандықтар. Яғни, командада бірде-бір легионер жоқ. Бұл – жергілікті ұжымның басқа құрамалардан басты ерекшелігі. Жаттықтырушы Михаил Дедовтың сөзінше, өзгеден гөрі өзіміздің жастарды жаттықтырып, таланттарын танытқан әлдеқайда дұрыс. Ал дарынды жігіттер жетерлік. Биыл 3 азаматты ұлттық лигадағы клубтар өз қатарларына шақырыпты. Айтпақшы, жақында жерлестеріміз ел чемпионатының 2-ші кезеңінен оралды. Нәтиже көңіл қуантады.

Михаил Дедов – “Bars” БК жаттықтырушысы:

– 2-ші кезеңде біздің команда 10 ойын өткізіп, барлығында жеңіске жетті. Осылайша көш басына шықтық әрі құрамалық рекорд орнаттық. Жігіттердің ойынына көңілім толады. Шәкірттерім өнер көрсеткен мачтарды сарапшылар да жоғары бағалады. Бұл – біз үшін үлкен жетістік.

Сергей Дятлик – команданың шабуылшысы. Ол 15 жылдан бері баскетболмен айналысады. Жас спортшыны бір кездері үйірмеге ата-анасы әкеліпті. Содан бері жерлесіміз бұл ойыннан еш уақытта қол үзген емес. Сергей Щучинск қаласында өткен 2-ші кезеңде өзін жақсы қырынан көрсетіпті. Ол маңызды ойындарда жылдамдық, мергендік танытып, құрама қоржынына біраз ұпай салған екен.

Сергей Дятлик – “Bars” БК ойыншысы:

– Жоғары лигада осымен 7-ші маусым ойнап жатырмын. 3 жылдан бері “Bars” баскетбол клубының намысын қорғап келемін. Біз бірінші турда 6 жеңіске жеткен едік. Ал бұл жолы 10 рет жеңімпаз атандық. Алдағы уақытта осы қарқынды жоғалтпауымыз керек.

Құраманың басты мақсаты – үздік үштіктің қатарынан табылу. Келесі тур желтоқсанның 15-і мен 17-сі аралығында Щучинск қаласында өтеді.
Жалпы, біріншілік 6 кезеңнен тұрмақ.

Алдияр Айтпаев

Бұдан әрі оқыңыз

Құлагерліктер қарсыластарын қапы қалдырды
Жергілікті “Qyzyljar” ФК кезекті кездесуде ойсырай ұтылды
Көкшетаулықтарға қарсы өткен матчта құлагерліктер жеңіліс тапты
“Qulager” ХК көкшетаулық ұжымға есе жіберді
СҚО-да жекпе-жек пен белбеу күресінен облыстық чемпионат өтті
Дубайдан жүлдемен оралды
“Qulager” ХК өскемендік “Торпедо” командасына есе жіберді
Жергілікті “Qyzyljar” мен ресейлік “Шинник” командалары тең түсті
“Qyzyljar” ФК ресейлік “Ленинградец” командасына есе жіберді.
Жерлес пара спортшылар дүбірлі додада 1 күміс, 1 қола медаль еншіледі
Футболдан ел біріншілігі наурыздың 13-і күні басталады
Құлагерліктердің кезекті жеңісі