Петропавлда келесі жылы “CLAAS” маркалы 300-ге жуық техника шығарылмақ

Аптадағы маңызды жаңалықтар

21:30 2 Желтоксан 2020

Комбайн, трактор және себу кешені. Келесі жылы Петропавлда “CLAAS” маркалы техника шығарыла бастайды. Қазір зауыттың құрылысы қызу жүріп жатыр. Жоспарланған жұмыстың әзірге 75 пайызы тындырылыпты.

Бұл – немістік “CLAAS” компаниясына тиесілі комбайн құрастыратын болашақ зауыттың қазіргі көрінісі. Мұндағы құрылыс жұмыстары тамыз айында басталған болатын. Алдымен 35 жыл бойы қолданыста болмаған ғимарат сараптамадан өткізілді, кейін барып қалыпқа келтіру ісі қолға алынды. Бүгінде шаруа тәмамдалуға жақын. Жаздан бері шатыр ауыстырылды, бағаналары бекітілді. Жақында қабырғалар жаңадан көтеріліп, терезелер орнатылды. Қазір зауыт ішінде ішкі әрлеу жұмыстары жүріп жатыр. Оған жергілікті құрылыс компаниясы жауапты.

Мұрат Харсиев – “Құрылыс Сервис СК” ЖШС құрылтайшысы:

– Ғимараттың құрылыс аумағы 5 мың 800 шаршы метрді құрайды. Нысанға барлық коммуникациялар тартылған. Алдағы уақытта орталық су мен жылу желісі өткізілетін болады. Қазір мұнда 40-қа жуық адам еңбек етуде. Шаруа 75%-ға тындырылды.

Зауыт германиялық стандартқа сай салынып жатыр. Құрылыстың әрбір кезеңін немістік мамандар қатаң бақылауда. Құрылыс аяқталғаннан кейін шетелдіктер заманауи өндіріс ошағына қажетті қондырғыларды әкелмек. Жалпы, ірі зауытты іске қосу үшін ел қазынасынан 3 млрд теңге бағытталған екен.

Мұрат Харсиев – “Құрылыс Сервис СК” ЖШС құрылтайшысы:

– Бұған дейін пандемияға байланысты кей кезде құрылысқа қажетті материалдар сәл кеш жеткізіліп тұрды. Дегенмен, шаруа кестеге сай жүріп жатыр. Зауыт жылына 300-ге тарта техника шығаруды жоспарлап отыр. Мұнда 100-ге жуық адам жұмыспен қамтылмақ. Одан бөлек жергілікті әкімдік нысанға қарай 1 шақырымнан астам темір жол тартуды көздеп отыр.

Жалпы, өндіріс ошағының құрылысы 2021 жылдың мамырында аяқталуы тиіс. Келесі орақ науқанында өңір диқандары СҚ-да құрастырылған комбайндарды тізгіндемек.

 

 

 

Бисенова Жанна

Бұдан әрі оқыңыз

Келесі жылы өңірде 400 мың шаршы метр баспана қолданысқа тапсырылады
Қасым-Жомарт Тоқаев: көне жер атауларын қайтару үрдісі жалғасады
Мемлекет басшысы Еңбек кодексіне түзетулер енгізді
Мәжіліс сайлауының қорытындысы жарияланды
Парламент Мәжілісі депутаттығына – ҚХА атынан 9 адам
Петропавлда кембағал балаларды оқытуға арналған кабинет ашылды
Биыл Есіл ауданына 49 отбасы қоныс аударған
Қызылжар ауданында сүт-тауарлы ферма ашылды
Облыста фанер шығаратын комбинат іске қосылды
Тайынша ауданындағы іргелі кәсіпорын жаңа цехін іске қосты
Биыл Петропавлдағы 38 баспананың шатыры ауыстырылады
Тайыншада дене шынықтыру-сауықтыру кешені ашылды