СҚО полицейлері 6 күн ішінде 7 мал ұрлығын ашты

Құқық қорғау органдары

20:55 24 Қараша 2020

Солтүстікқазақстандық полицейлер 6 күн ішінде 7 мал ұрлығын ашты. Барымташылық фактілері  “Мал ұрлығы» жедел-профилактикалық іс-шарасы аясында әшкереленді. Тәртіп сақшылары тексеріс жұмыстарынан бөлек  бақташылармен де сөйлесіп, тиісті түсіндіру жұмыстарын жүргізген.

Елімізде «Мал ұрлығы» жедел-профилактикалық іс-шарасы қарашаның 16-сы мен 21-і аралығында өтті. Оған 300-ден аса солтүстікқазақстандық полицей қатысып, базар мен дүкендерді, ет өңдейтін кәсіпорындарды тексерді. Басты мақсат – үй жануарларына қатысты қылмыстарды анықтау және алдын алу.

Құмарбек Жоламан – СҚО ПД криминалдық полиция басқармасының жедел уәкілі:

– Бұрын жасалған 7 қылмыс ашылды. Олардың үшеуі – «өткен жылдар» санатындағы қылмыстар. ҚР Әкімшілік құқық бұзушылық туралы Кодексінің 406-бабы бойынша 36 хаттама толтырылды. Осы іс-шара кезінде 21 автокөлік тексерілді.

Бүгінде өңірімізде бос жүрген малдарды қамайтын 200-ден астам айыптұрақ бар. Сондай-ақ, 114 мал сою және ет өңдеу пункті жұмыс істейді. Оларда тиісті ережелер қатаң сақталады.

Акция барысында тәртіп сақшылары тексеріс жұмыстарынан бөлек, бақташылармен де тілдесті. Оларға мал ұрлығы жасалған жағдайда қандай жаза қолданылатындығы баяндалды және тиісті ережелер жазылған жадынама қағаздар таратылды. Мұндай буклеттер блокбекеттерден өткен жүргізушілерге де үлестірілді. Сөз соңында аз-кем статистикамен бөлісейік. Ағымдағы жылдың 10 айында өлкемізде 34 мал ұрлығы анықталыпты. Сондай-ақ, үй жануарларын бағу қағидаларын бұзудың 1604 фактісі тіркелген.

 

 

 

Казиканова Алтынай

 

Бұдан әрі оқыңыз

СҚО-да былтыр алкогольді ішімдікті лицензиясыз сатудың 185 фактісі тіркелген
Петропавлда 3 жастағы бала ессіз күйде ауруханаға жеткізілді
Жүргізуші куәлігі мен техпаспортты бірге алып жүру міндетті емес
Петропавлда жыл басынан бері 26 интернет-алаяқтық фактісі тіркелген
Тайынша ауданында жаға жыртысқандардың ісіне қатысты сот үкімі шықты
Литва елінен бет алған жүк көлігі діттеген жерге жеткізілді
Саяжайдағы ұрлық ашылды
Петропавлда 57 жастағы ер адам марихуанамен ұсталды
Желілік бөлім қызметкерлері ҰОС ардагерін мерекемен құттықтады
Қос қылмыскер темір торға тоғытылды
Өңірде “Автобус” жедел-алдын алу іс-шарасы өтті
Петропавлда 3 жігіт автобус аялдамаларын сындырып кеткен