СҚО-да 23 жастағы жігітті күйік шалып, қайтыс болды

Құқық қорғау органдары

21:03 23 Қараша 2020

СҚО-да 23 жастағы азаматты күйік шалып, қайтыс болды. Бұл оқиға өткен бейсенбі күні Қызылжар ауданының орталығы Бескөл ауылында орын алды.

Петропавлдық жігіт 4 досымен бірге жер үй жалдап, көңілді кеш ұйымдастырыпты. Жолдастарының бірі туған күнін тойласа керек. Таңертең марқұм темекі шегу үшін отын қоймасына барады. Көп ұзамай сол жерден денесін от шарпыған күйде жүгіріп шығады. Бұны байқаған замандастары отты бірден өшіріп, жедел жәрдем шақырады. Мамандар оны ауруханаға жеткізіп, көмек көрсеткенімен, өміріне араша түсе алмады. Өкінішке қарай, өрімдей жас жігіт кешкілік уақытта  қайтыс болған.
Өрт еріткіш сұйықтық құйылған канистрден таралуы мүмкін. Анық-қанығы тексеріліп жатыр.

Бақтияр Есімов – Қызылжар ауданы ПБ бастығының орынбасары:

– Бұл фактіге қатысты Қылмыстық кодекстің 105-бабы 2-бөлігі бойынша іс қозғалды. Қазір тергеп-тексеру амалдары жүргізіліп жатыр. Оқиға жайлы куәгерлерден де сұрастыратын боламыз. Қорытынды шешім сараптамалық жұмыстардан кейін белгілі болады.

Эльмира Садвокасова

Бұдан әрі оқыңыз

Петропавлда пәтер ұрысы ұсталды
СҚО-да 8 жастағы қыз іздестіріліп жатыр
Қызылжар ауданының тұрғыны марихуанамен ұсталды
Барымташылар құрықталды
СҚО-да заңсыз жүрген 12 шетелдік елден шығарылды
Петропавлдағы дүкендердің біріне қарақшылық шабуыл жасалды
Петропавлдық 2 тұрғын итті мүшелеп тастаған
Велосипедтерді қолды қылған петропавлдық құрықталды
Полицейлер балықшыны ажал аузынан құтқарды
Өңірге жұмыс сапарымен Ішкі істер министрі Ерлан Тұрғымбаев келді
Жергілікті полицейлер алматылық интернет-алаяқты құрықтады
Жаңа жол белгісіне қатысты түсініктеме берілді