Солтүстік Қазақстан облысы – қызыл аймақта

COVID-19: Қазақстан

21:32 19 Қараша 2020

Қазір Солтүстік Қазақстан облысы – қызыл аймақта. Өңір бойынша коронавирусты көктемнен бері 5260 адам жұқтырған. Соңғы 7 күннің өзінде covid-19 400-ден астам жерлесіміздің бойынан табылған.

Дене температурасының көтерілуі мен иммунитеттің күрт әлсіреуі. Дәл осы белгілер қала тұрғыны Елена Литвинованың бойында шілде айында пайда бола бастайды. Жағдайы күн сайын нашарлаған. Алайда, жөтел мен демігу болмапты. Коронавирус жұқтырып алдым ба деп алаңдаған жерлесіміз көп ұзамай дәрігерлердің көмегіне жүгінеді. Нәтижесінде бойынан коронавирустық пневмония анықталған.

Елена Литвинова – қала тұрғыны:

– Басында мен бұл аурудың барына мүлде сенбеп едім. Вирус маған ешқашан жоламайды деген сенімде болдым. Басымнан өткен жағдайда ғана көзім жетті. Індетті жұқтырып алғанымда бойымды қорқыныш биледі. Әр күнім өмір үшін күрес болды.

Елена Литвинова дәрігерлер жазып берген антибиотиктерді бір ай бойы қабылдаған. Үйде ем алған. Ешкіммен қарым-қатынасқа жасамай, басқосуларға баруды тыйған нәзікжанды дертін ушықтырып алмай, құлан-таза айығады. Алайда, бұл қазір еркін жүре беруге болады дегенді білдірмейді.

Елена Литвинова – қала тұрғыны:

– Жағдайым бірталай жақсарғанымен өзімді әлсіз сезінетін кездерім болып тұрады. Қазір қорғаныс құралдарынсыз ешқайда бармаймын. Әр жерде бетперде тағып, қолдарымды антисептикпен жиі өңдеймін. Барлығын сақ болуға шақырамын.

Мамандардың айтуынша, пневмония – коронавирустың көрінісі. Яғни, инфекция жоғары тыныс алу жолдарымен өкпеге түседі. Қос жағдайда да алғашқы симптомдар болып, тыныс алу қиындап, кеуде ауруы мүмкін. Бұл жағдайда арнайы зертханаға барып, ПТР тестін тапсырған жөн. Біздің өңірде мұндай 4 нысан бар.

– Соңғы мәліметтерге сәйкес, Солтүстік Қазақстан облысында тәжді вирусты жұқтырғандардың саны күн сайын артуда. Мәселен, қарашаның 12-сі күні коронавирус бір тәулікте 43 адамнан табылса, 17-сі бұл шама 74-ке дейін жетті. Ал соңғы тәулікте COVID-19 79 жерлесіміздің бойынан табылды.

Мұндай теріс динамика өткен сенбі күні өңірді жасылдан бірден “қызыл зонаға” енгізсе керек. Жалпы, облыс бойынша коронавирусты көктемнен бері 5260 адам жұқтырған. Статистика геометриялық прогрессияда өспес үшін мамандар халыққа қарапайым санитарлық талаптарды сақтау қажеттігін тағы бір мәрте қаперге салады.

 Бисенова Жанна

 

 

Бұдан әрі оқыңыз

СҚО-да кеше 9 адам вирус жұқтырып алған
Белсенді жастар тегін маска таратуды жалғастыруда
Жиынға қатысушылар ПТР-тест тапсырулары қажет
Карантин қыспаққа алған бизнес
СҚО-да соңғы тәулікте коронавирус 96 адамның бойынан табылды
Кеше облыста 74 адам коронавирус жұқтырды
Өңірдің бас санитар дәрігері жаңа қаулы қабылдады
Сауда павильондарының пандемия кезіндегі жұмысы
ПТР тесттерін қайда тапсыруға болады
Облыстық жедел медициналық көмек орталығына түсетін қоңырау саны артқан
Өңірдің бас санитарлық дәрігерінің жаңа қаулысы жарияланды
Петропавлда “Арақашықтық сақта!” акциясы ұйымдастырылды