ХҚКО жұмысының 80% электронды форматқа көшірілді

МТРА жаңалықтары

22:13 10 Қараша 2020

ХҚКО атқаратын жұмыстың 80% онлайн форматқа көшірілді. Яғни, мемлекеттік қызметтердің 600-ден астамына  электронды портал арқылы қол жеткізуге болады. Ал тиісті құжатты көзбе-көз рәсімдеуді қалағандар әуелі кезек брондауы керек.

Қаладағы халыққа қызмет көрсету орталығында 100-ден астам маман жұмыс істейді. Карантин қатаңдатылғалы бері, яғни кешеден бастап олардың тең жартысы үйден еңбек етуде. Қызметкерлердің міндеті – 1414 нөміріне хабарласқан солтүстікқазақстандықтарға жауап беру. Ал мекемеге келетін тұрғындарға қойылатын талап күшейтілген. Ағайын кеңесшілермен жүздесіп, қажетті құжатты алу үшін ең алдымен кезегін онлайн брондауы қажет.

Эрик Тлеулин – қала тұрғыны:

–  Кезекті онлайн брондау керектігін әпкемнен естідім. Одан соң еgov.kz электронды порталы арқылы келетін уақытымды белгіледім. Бәрі оңай әрі тез атқарылды. Бұрынғыдай ұзын-сонар кезек жоқ.

Кезекті онлайн алудың 4 жолы бар. Өтінішті еgov.kz электронды үкімет порталы немесе Telegramдағы «еgovkzbot»-қа жолдай аласыз. Тағы «eGov Mobile» қосымшасы арқылы да келетін уақытыңызды белгілеуге болады. Одан бөлек, 1414 нөміріне қоңырау шалсаңыз мамандар кеңес береді.

ХҚКО-ға кезекті онлайн брондау жолдары:
– еgov.kz
– Telegram-да – «еgovkzbot»
– «eGov Mobile» қосымшасы
– 1414 call-орталығы

Ал заман игілігінің тілін түсінбейтіндер мен техникалық құралдары жоқ жандардың жағдайы не болмақ? Мамандар бұл мәселенің де шешімін тауыпты. Оларға орталыққа келуге рұқсат етілген. Сондай-ақ, мүгедектер мен қарттар да кеңесшілерге тікелей жүгіне алады.

Күләш Шәріпова – қала тұрғыны:

–  Үйге қатысты мәселемен келіп отырмын. Жиі келмеймін. Мамандар жақсы істейді. Екі тілде сөйлейді.

Жалпы, халыққа қызмет көрсету орталығының тізілімінде 700-ге жуық мемлекеттік қызмет түрі бар. Қазіргі күні оның 80 пайызын, яғни 600-ден астамына электрондық портал арқылы қолжеткізуге болады.

Ерназар Нұрғалиев – «Азаматтарға арналған үкімет» МК» КЕ АҚ СҚОФ баспасөз хатшысы:

– Қызметтің 100-ден астамы түрі қағаз түрінде қолжетімді. Ал қалғанын электронды түрде алуға болады. Онлайн түрде медициналық анықтамаларды, соттылықтың болу-болмауын ала аласыз.

Жаңа тәртіпке тек қалалық орталықтар ғана көшкен. Аудандардағы мекемелер жұмыстарын бұрынғы қалыпта жалғастыра бермек.

Маржан Қасымбек

 

Бұдан әрі оқыңыз

Облыс әкімі жұмыс сапарымен Тайынша ауданына барды
Ашаршылықтың азабы
БАҚ-тағы мемлекеттік тілдің жағдайы сөз болды
Өңірде көктемгі егіс жұмыстары қызу жүріп жатыр
Қала тұрғыны ой-шұңқырлы жолдарға шағымданды
Облыс әкімі Құмар Ақсақалов түлектерді құттықтады
Пара алғаны дәлелденді
Аққайың ауданында көктемгі дала жұмыстары қызу жүргізілуде
Учаскелік полиция инспекторларына жаңа құқықтар беріледі
Облыстық әкімдіктің отырысы өтті
Ауылдық округ әкімдерін сайлау өтеді
Аққайың ауданына Германиядан симментал тұқымды ірі қара әкелінді