ПТР тесттерін қайда тапсыруға болады

МТРА жаңалықтары, COVID-19: Қазақстан

22:03 9 Қараша 2020

Бүгіннен бастап облыс орталығының шекарасындағы блокбекеттерден өту үшін міндетті түрде ПТР тесттің нәтижесін көрсету қажет. Сонда ғана Петропавлға кіруге рұқсат етіледі.

Коронавирустың бар-жоғын анықтайтын өңірде 4 бірдей зертхана жұмыс істейді. Олардың екеуі мемлекеттік мекеме болса, екеуі – жеке меншік клиника. Соңғылары аудан орталықтарынан да өз кабинеттерін ашыпты. Яғни, елді мекендіктер ауруханалардағы осы кабинеттерге барып, ковид-19-ға анализ тапсыра алады. Тесттің нәтижесі 2-3 күнде дайын болады. Ал, жарамдылығы – анықтама берілген күннен бастап 3 тәулікке дейін. Бұл мерзім өткен соң, қажет болса, ПТР-ді тағы тапсыру керек. Енді сараптама бағасына келер болсақ. Президент Қасым-Жомарт Тоқаевтың тапсырмасына сәйкес, Үкіметке зерттеу қызметінің бағасын төмендету жүктелді. Міндет орындалып, бекітілген сомма көлемі екі есеге дейін азайды.

Ерлан Баязитов – СҚО денсаулық сақтау басқармасының бөлім басшысы міндетін атқарушы:

– Облыстық фтизиопульмонологиялық орталықта жеке және заңды тұлғаға тест бағасы – 8900 теңге. Ал, ұлттық сараптама орталығында жеке тұлғаға – 8025, заңды тұлғаға – 9 мың теңге. Ал, жеке меншік клиникалардың өз бағалары бар. 9 мыңнан басталады. 01-56 Эпидемиологиялық және клиникалық жағдайға байланысты ПТР тест – тегін жасалады, ал егер азамат өзі үшін тапсырғысы келсе, онда аудан деңгейінде – екі клиникаға, Петропавл деңгейінде 4 зертханаға барып тапсыра алады.

Эльмира Садвокасова

 

Бұдан әрі оқыңыз

М.Жұмабаев атындағы жоғары колледжіне – 100 жыл
Петропавлда автоматты метеостанция орнатылды
Сауда павильондарының пандемия кезіндегі жұмысы
СҚО-да қарашаның 9-нан бастап карантин шаралары қатаңдатылады
ҮЕҰ қоғамдық мониторингілерге белсенді ат салысуы тиіс
Өткен тәулікте өңірде коронавирус инфекциясынтағы 42 адам жұқтырған
ХҚКО жұмысының 80% электронды форматқа көшірілді
№12 орта мектебіне жаңа автобус сатып алынады
Аудандарға 20 реанимобиль жөнелтіледі
Өңірдегі мемлекеттік қызметшілердің саны 10 пайызға қысқарады
Жергілікті шағын және орта бизнес өкілдерін қолдау
“Парасатты отбасы” байқауының жеңімпаздары анықталды