Өңір полицейлеріне жаңа қызметтік көліктер берілді

Құқық қорғау органдары

22:29 6 Қараша 2020

Өңір полицейлеріне жаңа қызметтік көліктер берілді. Жол талғамайтыны бар, Газель және УАЗ маркалы темір тұлпарлар – барлығы 11 көлік. Оның 6-уының кілті  аудандық тәртіп сақшыларына табысталды.

ПД бастығы Марат Төлебаев алдымен су жаңа техниканың жай-күйін қарап шықты. Кейін, өңірдің бас полицейі бұл көліктер тәртіп сақшыларының жұмысының нәтижелі болуына серпін беретінін айтып, темір тұлпар кілттерін салтанатты түрде қала мен аудан бөлімдеріне табыстады.

Марат Төлебаев – СҚО ПД бастығы:

– Сіздерді бүгінгі қауанышты күнмен құттықтаймын! Сіздерге мықты денсаулық, қызметтеріңізге абырой мен сәттілік тілеймін.

Су жаңа қызметтік темір тұлпарлардың бірі Тайынша аудандық полиция бөліміне берілді. Тайыншалық тәртіп сақшыларына “Газель” маркалы көліктің кілті бұйырды. Жалпы, аталған бөлімінің автопаркінде 40-қа жуық қызметтік техника бар екен. Оның тең жартысы жаңа.

Марат Нұрахметов – Тайынша аудандық полиция бөлімі бастығының орынбасары:

– Облыс әкіміне алғысымызды білдіреміз. Бүгін жаңа “Газельдің” кілті табысталды. Бұл автокөлікпен қамауға алынған адамдарды тасымалдаймыз. Жалпы техникамыз жылдан-жылға жаңарып жатыр. Өткен жылы 2 көліктің кілті табысталған болатын.

Айта кетейік, бүгін ведомствоның автопаркі 11 жаңа көлікпен толықты. Оның 2-уі – жол талғамайтын, 4-уі – “Газель” және 5-уі – “УАЗ” маркалы темір тұлпарлар.

Ешкенова Дана

Бұдан әрі оқыңыз

Теміржол вокзалындағы акция
Облыстық ПД Мемлекеттік рәміздер күнін атап өтті 
Бір үйір жылқыны айдап әкеткен 6 адам қолға түсті
Департамент жұмысын оңтайландыру
Велосипедтерді қолды қылған петропавлдық құрықталды
Петропавлдық 2 тұрғын итті мүшелеп тастаған
Қарағандылық ұры қолға түсті
Полицейлер балықшыны ажал аузынан құтқарды
СҚО-да 4 күнде 142 шетелдік азамат жауапкершілікке тартылды
“Жолда қабылдау” республикалық акциясы өтті
Солтүстікқазақстандық криминалистер саусақ іздерін адам терісінен анықтай алады
СҚО-да маусым айында адам өлтіруге қатысты 4 факті тіркелді