НЗМ оқушылары арасында тоғызқұмалақтан жарыс бастау алды

Балалар

22:42 3 Қараша 2020

Бүгін Назарбаев зияткерлік мектебінің оқушылары арасында / ұлттық тоғызқұмалақ ойынынан желілік спартакиада бастау алды. Ұл-қыздар командаға бөлініп, өзара мықтыны анықтайды. Жалпы, республика бойынша 20 / Назарбаев зияткерлік мектебі бар екен. Додада / білім ордаларынан / 88 оқушы бақ сынауда.

Жанбатырдың ұлттық ойынмен әуестенгеніне – биыл 5 жыл. Осы мерзімде жеткіншек тоғызқұмалақтың қыр-сырын жақсы меңгеріп алған. Былтыр оқушы облыстық сайыста жақсы өнер көрсетіп, жүлделі орыннан көрініпті. Ал пандемияға байланысты биылғы дода онлайн форматта өткізіліп жатыр. Бірақ, бұл қарсыласына қарама-қарсы отырып ойнағаннан өзгеше дейді Жанбатыр.

Жанбатыр Серік – Химия-биология бағытындағы НЗМ оқушысы:

– Бетпе-бет ойнаған виртуалды ойнағаннан қызығырақ. Адамды тірідей көргенде сайыс түсініктірек болады және кісінің кім екенін көріп отырасың.

Назарбаев зияткерлік мектептерінің оқушылары арасында тоғызқұмалақ ойыны биыл 3-ші мәрте өткізіліп жатыр. Додаға 20 білім ордасынан 88 ұл-қыз қатысуда. Сайыс «PlayOk» платформасында жүргізіліп жатыр.

Айдар Уәлиев – Химия-биология бағытындағы НЗМ дене шынықтыру пәні мұғалімі:

– Бұрынғы спартакиадалар республикамыздағы мектептердің бірінде өткізілетін. Ұл-қыздар тоғызқұмалақтан бөлек, шахмат футбол, баскетбол, волейбол бойынша сайысатын. Пандемияға байланысты кейбір спорт түрлерін қысқарттық. Бірақ, жақында доппен жонглерлік жасаудан байқау өткіздік. Оқушылар өздерін бейнеге түсіріп, видеоны қазыларға жолдады.

Тоғызқұмалақ сайысы 3 күнге жалғасады. Шара соңында жеңімпаздар диплом, медаль және кубокпен марапатталмақ.

Бердимурат Баймухан

Бұдан әрі оқыңыз

Жүрегі қазақ деп соғатын орыс қызы
«Айбын-2020» республикалық әскери-патриоттық жиыны өткізілуде
Петропавлда ерікті-дәрігерлер жасағы құрылды
“Jas Otan” ЖҚ бастамасымен “Ozger” онлайн-марафоны өтуде
Қазанның 31-і – Дүниежүзілік жинақ күні