Қазанның 31-і – Дүниежүзілік жинақ күні

МТРА жаңалықтары, Балалар

23:46 30 Қазан 2020

Ақшаны қалай үнемдеуге болады? Бүгін Тұрғын үй құрылыс жинақ банкінің жергілікті мамандары жастарға қаражатты дұрыс жаратудың жолдарын үйретті. Дүниежүзілік жинақ күніне орай ұйымдастырылған шараға Оқушылар сарайында қосымша білім алып жүрген ұл-қыздар қатысты.

16 жастағы Сәнжан Нұрмұханбеттің арманы – медицинаға байланысты кәсіп ашу. Оқушы жастығына қарамастан қазірден-ақ білімін арттырып жүр. Түске дейін мектепте сабақ оқыса, одан соң бизнес курстарына қатысады.

Сәнжан Нұрмұханбет – әл-Фараби мектеп-лицейінің оқушысы:

– Ауырып көрмеген адам жоқ шығар. Оның қаншалықты жаман екенін ауырған адам ғана түсінеді. Сондықтан, Адамдарға пайдасы тиетін кәсіп ашқым келеді. 0Қаражатты дұрыс қолдануды, белгілі бір бағытқа инвестиция салуды үйренгім келеді.

Кәсіпті қалай ашуға болады? Бұл – бір іс бастағысы келетін адамдарда туындайтын басты сұрақ. Оның жауабын Тұрғын үй құрылыс жинақ банкінің өкілдері табуға көмектесуде. Мамандардың сөзінше, жұмысқа кіріспес бұрын ең алдымен, ақшаны үнемдей білу қажет.

Назерке Ғалым – “Қазақстанның тұрғын үй құрылыс жинақ банкі” АҚ СҚОФ маманы:

– Сабақта біз балаларға қаражатты дұрыс пайдалануды үйретеміз. Көзге көрінген дүниені ала беруге болмайды. Бір затты алғың келсе, 1 апта ойлан. Сонда ол саған нақты керек пе әлде керек емес екенін түсінесің.

Оқушылар сарайында ұйымдастырылған бизнес сабағына 30-ға жуық бала қатысып, өзін толғандырған сауалдардың жауабын алды. Мұндай дәрістер жыл соңына дейін тағы бірнеше рет ұйымдастырылмақ.

Маржан Касымбек

Бұдан әрі оқыңыз

Қасым-Жомарт Тоқаев: қазақтілді БАҚ-тың бәсекеге қабілеттілігін күшейту қажет
Балаларға экобокстардың тиімділігі түсіндірілуде
“Nur Otan” партиясы СҚОФ фракциясының отырысы өтті
Жарылыстан зардап шеккендердің барлығына көмек көрсетіледі
Оқушылар сарайындағы “Жүрек жылуы” орталығында 50-ге жуық бала
Жаңа ереже
Облыстық мәслихат депутаттары мектептерді аралады
Былтыр өңірде 2 мемлекеттік қызметші жұмысынан босатылған
Зейнетақы жинағының бір бөлігін қолдану тәртібі
Президент мерзімді әскери қызметке шақыру туралы жарлыққа қол қойды
Жатақханадағы жарылыстың салдарынан 2 адам қаза тапты
Кеңес әскерлерінің Ауған жерінен шығарылғандарына – 32 жыл