Мамандандырылған ХҚКО 3 жаңа көлікпен толықты

МТРА жаңалықтары

21:28 27 Қазан 2020

Жаңа әрі басқаруға ыңғайлы. Жуырда Мамандандырылған халыққа қызмет көрсету орталығының паркі жаңартылды. Мұнда 3 бірдей “Лада гранта” маркалы автокөлік сатып алынды.

Милана Құсайынова өткен жазда қаламыздағы автомектептердің бірінде оқыды. Қолына сертификатын ала сала Мамандандырылған халыққа қызмет көрсету орталығына келіп, тест тапсырған. Сынақ қорытындысы бойынша жақсы балл жинады. Бірақ, автодромдағы емтиханда сүрінді. Ол кезде жерлесіміз “ЗАЗ Шанс” темір тұлпарын басқарған екен. Бүгін орталыққа тағы келіп, өз бағын сынап отыр. Бұл жолы 26 жасар Милана “Лада гранта” машинасын жүргізді.

Милана Құсайынова – қала тұрғыны:

– Өкінішке қарай, бүгін тағы сынақтан өте алмадым. Келесі жолы жақсылап дайындалып келемін. “Лада гранта”-ны басқару әлдеқайда оңай екен.

Су жаңа “Лада гранта” Мамандандырылған халыққа қызмет көрсету орталығына жақында жеткізілді. Бір емес, дәл осындай 3 бірдей көлік әкелінді. Себебі, бұрынғы темір тұлпарлардың қызмет ету мерзімі өтіпті. Олар жиі істен шығып, емтихан тапсырушыларға қолайсыздық тудырған екен.

Евгений Зубков – Мамандандырылған ХҚКО бөлім басшысы:

– Автоцон паркі 2014 жылдан бері жаңартылған жоқ. Көліктер ескіргендіктен биыл орталық басшылығы жаңа машиналар сатып алды. Жеткізілген темір тұлпарлар қажетті қондырғылармен жарақталған. Олардың ішінде бейне мен дыбыс жазу құрылғылары бар. Заманауи жабдықтар емтиханның әділ өтуін қамтамасыз етеді.

Сөз соңында айта кетейік, өңірде жыл басынан бері 8 мың азамат жүргізуші куәлігін алған.

Дана Сәлімқызы

Бұдан әрі оқыңыз

10 жылда алғаш рет өңірде бал аралары қыстауда
Қазақстанда 2021 жылы халық санағы өтеді
Президент мерзімді әскери қызметке шақыру туралы жарлыққа қол қойды
Әлихан Бөкейхановтың дүниеге келгеніне – 155 жыл
Қозыбаев университетінің студенттеріне польшалық маман шеберлік сағатын өткізді
Кеңес әскерлерінің Ауған жерінен шығарылғандарына – 32 жыл
Депутаттар Қаржы министрлігінен шағын бизнесті қолдауды сұрайды
“Диалог” бағдарламасы 20.02.2021
Орталық базарлардың бірінде «Сапа белгісі» атты фронт-кеңсе ашылды
Есіл ауданында боранда адасып кеткен бала мен жігіт табылды
Энергетикалық қадағалау саласының мамандары өткен жылды қорытындылады
Өзен-көлдерге ауа жіберілуде