Петропавл халықаралық әуежайының тағдыры не болмақ

МТРА жаңалықтары

0:21 23 Қазан 2020

Жергілікті билік Петропавл әуежайының алдағы тағдыры турасында түсініктеме берді. Еске салсақ, соңғы қоғамдық қабылдауында облыс әкімі аэропортты банкрот деп тану процедурасының басталғанын айтқан еді.

Қалтқысыз жұмыс істеуі үшін әуежай айына кемінде 64-тен 86 рейске дейін жасауы керек екен. Алайда, олардың саны бүгінде небәрі 20 ғана. Сондықтан, аэропорт шығынға белшеден батып, дағдарысқа ұшыраған. Қазірдің өзінде қарыздың жалпы сомасы 700 млн теңгеге жуықтайды. Ал қызметкерлерге мекеме әкімшілігі 22 млн теңге берешек. Жергілікті билік жалақыны толық көлемде қазанның соңына дейін төлейміз деп отыр. Ал әуежай облыстың коммуналдық меншігіне өтіп, кейін мемлекеттік-жеке меншік әріптестік аясында инвесторға берілмек.

Асқар Қылышбеков, СҚО жолаушылар көлігі және автомобиль жолдары басқармасының басшысы:

– Иелігінде әуежай болған АҚ-ды ауданаралық экономикалық сот банкрот деп таниды. Ал аэропорт терминалы, ұшып-қону жолақтары мен қызмет көрсетуші техниканың бәрі – азаматтық авиация комитетінің меншігінде. Қазір бұл мүлікті мемлекет меншігінен облыстың коммуналдық меншігіне өткізу үрдісі жүріп жатыр. Содан кейін біз инвестор іздеуді бастаймыз. Мемлекеттік-жеке меншік әріптестіктің арқасында әуежай жаңғыртудан өтеді. Яғни, қызмет көрсету сапасы жақсарып, шетелдік әуе тасымалдаушы компаниялар тартылады. Сондай-ақ, материалдық техникалық база жаңартылып, жаңа рейстер ашылып, жұмысшылардың жалақысы артады.

Дана Ешкенова

Бұдан әрі оқыңыз

Президент мерзімді әскери қызметке шақыру туралы жарлыққа қол қойды
Қазақстанда үкіметтік емес ұйымдар жаңаша қаржыландырылады
“iKomek” орталығына қар тазалау бойынша 250-ге жуық шағым түскен
Қазақстандық интернет кеңістігінде 175 мыңнан астам домендік атау бар
“Nur Otan” партиясы СҚОФ фракциясының отырысы өтті
“Nur Otan” партиясы СҚОФ фракциясының отырысы өтті
Кеңес әскерлерінің Ауған жерінен шығарылғандарына – 32 жыл
Энергетикалық қадағалау саласының мамандары өткен жылды қорытындылады
2020 жылы өңір кәсіпорындарында 46 оқыс оқиға орын алған
Ақпаннның 12-сі облыс әкімі халық алдында есеп береді
СҚО Үкімет басшысының оң бағасына ие болды
ForteBank өз клиенттеріне бағалы сыйлықтар тарту етуде