Қазір елімізде мемлекеттік қызмет көрсету сапасын жетілдіру бойынша ауқымды жұмыс атқарылып жатыр. Мәселен, бүгінде атқарушы органдар жаппай электрондық форматқа көшуде.
Осы күні облыстық мемлекеттік сәулет-құрылыс бақылау және лицензиялау басқармасы 5 түрлі мемлекеттік қызмет көрсетеді. Барлығы тек онлайн түрде жүзеге асырылады. Өтінішті eGov.kz порталына кіріп немесе Жұмабаев көшесі, 70 мекен-жайы бойынша орналасқан басқарманың / өзіне-өзі қызмет ету секторында қалдыруға болады. Аталған сектор биыл ашылған екен. Жалпы, жыл басынан бері басқармаға бұқара тарапынан 251 өтініш келіп түсіпті.
Біржан Кушербаев – СҚО мемлекеттік сәулет-құрылыс және лицензиялау басқармасы басшысының міндетін атқарушы:
– 9 айдың ішінде келіп түскен өтініштердің 123-і мақұлданды. Оның – 71-і лицензия, ал 52-сі аттестат беруге байланысты. 119 өтініш қабылданған жоқ. Шаруа толыққанды электрондық форматта жүргізілді. Бұл тұрғындардың уақытын үнемдейді.
Бисенова Жанна