Петропавлда жыл басынан бері 13 адам ата-ана құқығынан айырылды

Құқық қорғау органдары

22:06 20 Қазан 2020

Петропавлда жыл басынан бері 13 адам ата-ана құқығынан айырылды.
Өкінішке қарай, бұл тізім жуырда тағы біреуімен толығуы мүмкін. Қазір полицейлер бала-шағасының барын ұмытқан, ішімдікке салынған 33 жастағы келіншекке қатысты іс қағаздарын әзірлеп жатыр.

Нәзікжанды балаларына да, үйіне де мүлдем қарамайтын сыңайлы. Тұрғын жайдың іші көптен жиналмапты. Аяқ басатын жер жоқ. Оның үстіне, астан-кестені шығып жатқан баспанада адамдармен бірге ит те тұрады. Бір сөзбен айтқанда – антисанитария. Жарты жыл бұрын полиция қызмекерлері жауапсыз анаға жағдайды түзетуге мүмкіндік беріпті. Бірақ, оған құлақ аспай, ішімдік ішуді жалғастыра берген. Ал 7 айлық сәбиін 12 жасар ұлы баққан. Айта кетейік, бұған дейін азаматша ата-ана міндеттерін орындамағаны және басқа да құқық бұзушылықтар үшін бірнеше рет әкімшілік жауапкершілікке тартылыпты. Ал бұл жолы қыдырымпаз әйелге қатысты кәмелетке толмаған балаларды тастап кету туралы акт жасалды. Ұлдар болса ауруханаға жатқызылды.

Айгүл Кәрімова – қалалық ПБ кәмелетке толмағандардың істері жөніндегі аға учаскелік инспекторы:

– Әйел адамға қатысты жиналған бүкіл материалдар кәмелетке толмағандар істері жөніндегі және олардың құқықтарын қорғау комиссиясында қаралды. Қазіргі уақытта әйел адамға қатысты бүкіл материалдар жиналып, ата-ана құқығынан айыру үшін сотқа жолдануда.

Петропавлда жыл басынан бері 13 адам ата-ана құқығынан айырылған.

 

 

 

 

Ешкенова Дана

Бұдан әрі оқыңыз

Аса ірі көлемде есірткі сақтаған 19 жастағы жігіт ұсталды
«Жолда қабылдау» республикалық акциясы өтті
Қызылжар ауданының тұрғыны марихуанамен ұсталды
Жергілікті полицейлер алматылық интернет-алаяқты құрықтады
СҚО-да жасөспірімдердің қатысуымен 9 қылмыс тіркелген
Тайынша ауданында дәмханаға ұрлық жасалды
Өңірге жұмыс сапарымен Ішкі істер министрі Ерлан Тұрғымбаев келді
Петропавлдағы дүкендердің біріне қарақшылық шабуыл жасалды
Облыстық ПД Мемлекеттік рәміздер күнін атап өтті 
СҚО-да жыл басынан бері 200-ден астам пәтер ұрлығы тіркелген
СҚО-да заңсыз жүрген 12 шетелдік елден шығарылды
Полицейлер балықшыны ажал аузынан құтқарды