Ақ қайыңдар өлкесінде киелі орындар жетерлік. Әйтсе де, кейбіреуінен көбісі хабарсыз. “Абылай хан резиденциясы» мұражай кешенінде осы төңірегінде дөңгелек үстел жиыны өтті.
“Рухани жаңғыру” бағдарламасы аясында қолға алынған “Сакралды Қазақстан” жобасына / өңірден 7 киелі орын енген. Таяу арада бұл тізім толықпақ. Мамандар еліміздің киелі жерлерінің қатарына Уәлиханов ауданындағы “Қызыл оба” қорымын қосуды көздеп отыр.
Олег Синяков – СҚО қоғамдық даму және ақпарат орталығының сарапшы-талдаушысы:
– Өңіріміздегі бірегей археологиялық ескерткіш – “Қызыл оба” қорымында жүргізілген зертеу жұмыстары нәтижесінде мазардың 14 пен 15-ші ғасырларға тиесілі екені белгілі болды. Қорымды тек тарихи-мәдени мұра ғана емес, сонымен қатар діни нысан ретінде де қарастыруға болады. Сол себепті, бұл ескерткіш “Сакралды Қазақстан” жобасына енгізілуге әбден лайықты.
Казиканова Алтынай