Булаево қаласы карантинге жабылды

Аптадағы маңызды жаңалықтар

21:48 9 Қазан 2020

Тағы да карантин. Қазанның 10-ынан бастап М.Жұмабаев ауданының орталығында бірқатар шектеу шаралары өз күшіне енбек. Бүгінде Булаево қаласына кіреберісте 4 бірдей блокбекет қойылған. Мамандар қазір кіріп-шығып жатқан автокөлік иелерінің құжаттарын тексеруде.

Бұл видео архивтен алынған жоқ. М.Жұмабаев ауданындағы дәл қазіргі көрініс – осы. Бірақ, байбалам салуға әлі ерте. Жағдай толық бақылауға алынған дейді санитар мамандар.

Самат Барменбаев – СҚО тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы:

–  Соңғы 2 аптада М.Жұмабаев ауданында коронавирустық инфекцияның 24 жағдайы тіркелді, оның ішінде аудан орталығы Булаево қаласында – 15 жағдай, қалған 9 жағдай ауданның басқа елді мекендерінде тіркелді. Қазір байланыста болған адамдар тексерілді. Науқастар ем алып жатыр.

Қаулыға сәйкес қазанның 10-ынан бастап Булаево карантинге жабылады. Мұндай шешімді / қайта оралған ковид-19-дың өршіп кетпеуі үшін өңірлік комиссия мүшелері қабылдап отыр. Яғни, қозғалыс барынша қысқартылады. Аудан орталығы тұрғындарының оралып, қала қонақтарының үйлеріне қайтуларына бүгін түнгі сағат 12:00-ге дейін уақыттары бар. Ертеңнен бастап, елді мекенге тек азық-түлік пен ауыл шаруашылығы сынды халыққа аса қажет тауарлар тасымалымен айналысатын тұлғалар және транзиттік жүк көліктері кіріп-шыға алады. Сондай-ақ, қолында ем-дом алуға нұсқамасы бар азаматтардың да қозғалысына шектеу қойылмайды. Талаптардың орындалуын қадағалау мақсатында қалаға кіреберісте 4 бірдей блокпост қойылған.

Самат Барменбаев – СҚО тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы:

–  Мектеп пен балабақшаларда кезекші топтар жұмысын жалғастырады. Аумағы 500 шаршы метр болатын кәсіпкерлік субъектілер 16:00-ге дейін жұмыс істейді.

Аумағы 500 шаршы метрден асатын кәсіпкерлік субъектілерінің жұмыс режимі болса, сағат 16-00-ге дейін қысқарады. Қала ішіндегі қозғалысқа де шектеу бар. Сақтық шараларын ескере отыра, тұрғындарға емін-еркін көше кезіп жүрмеген абзал. Көктем мен жаздағыдай баспанадан тек жақын маңдағы дүкенге, дәріхана мен жұмысқа шыққан жөн. Айта кету керек, ауылдарда коронавирусты жұқтырғандардың саны 5-тен, ал аудан орталықтарында 7-ден асатын болса, мұндай елді мекендер карантинге жабылмақ. Әзірге, М.Жұмабаевтан басқа аудандарда жағдай тұрақты.

Эльмира Садвокасова

Бұдан әрі оқыңыз

Петропавл мен Мамлютка арасындағы 29 км жол жөнделді
Кәсіп ашып, нәсіп табуға – мемлекеттен көмек
Президент коронавирус індетінің екінші кезеңіне дайындық жөнінде кеңес өткізді
Тауардың құнын заңсыз көтергендерге заңға сәйкес шара қолданылуы мүмкін
Коронавирустың келесі толқынына дайынбыз ба
Облыс әкімі аулалардың абаттандырылуымен танысты
Жедел жәрдем орталығы жаңа 18 қызметтік көлікпен толықты
Қалалық ескі саябақтың жанынан спорт алаңы салынып жатыр
СҚО-да Аграрлық университет бой көтеруі мүмкін
Биыл өңірдің ауыл шаруашылығы саласына 87 млрд теңге инвестиция құйылған
2021 жылы “Claas” неміс компаниясы комбайн жинау кіріседі
Медицина қызметкерлеріне берілетін жәрдемақыны дұрыс үлестіру қажет