Қала тұрғындары мен қонақтарының құлағына алтын сырға! Алдағы демалыс күндері Петропавлда су беру уақытша тоқтатылады.
Іске жауапты мамандар сенбі-жексенбіде тіршілік көзін таратушы құбырларды жуып-шайып, дезинфекциялап, тат пен өзге де қалдықтардан тазартпақшы. Осыған байланысты “Қызылжар су” кәсіпорнының өкілдері / тұрғындардан / су қорын молайтып алуды сұрайды! Айта кеткен жөн, мұндай жоспарлы шаруа облыс орталығында жыл сайын / жылыту маусымы қарсаңында өткізіледі.
Болат Салахутдинов – “Қызылжар су” ЖШС орталық диспетчерлік қызметінің басшысы:
– Қалада су беру қыркүйектің 19-ы күні түнгі 12-де тоқтатылады. Бұдан соң, тиісті профилактикалық шаруа бастау алмақ. Ол 2 тәулікке жалғасады. Яғни, тіршілік көзі тұрғындарға дүйсенбі, таңғы 6-да жетеді. Жуып-шаю жұмыстары жүргізіліп жатқан кезде адамдардан краннан аққан суды пайдаланбауды сұраймыз!
Бисенова Жанна