Петропавлда тағы бір нысан келбеті әрленді

Қоғам

20:51 27 Тамыз 2020

Таулар мен құлдилай аққан сарқырама. Ботаникалық бақтың кіреберісіне жасыл желектен бөлек мынадай өнер туындысы көрік беріп тұр. Бұл жерден “Нептун” аквапаркі жалғасып кетеді. Сұрғылт кірпіштерден құралған биік қабырға қазір айрықша көз тартады. Бейнелеу өнерінің бұл түрі “мурал” деп аталады екен. Асаль Исса – қала қонағы. Қызылжарға Ресейден келіпті. Шаһарды аралай жүріп ботаникалық баққа бас сұққан екен. Мынадай жанды табиғат пен пейзаждың үйлесімі көңілге ерекше сезім сыйлайды дейді.

Асаль Исса:

 – Петропавлда соңғы рет 10 жыл бұрын болған едім. Қала гүлденген. Ботаникалық бақты, тіпті, танымай қалдым десе артық айтқандық емес. Бұл тек бақтың ғана емес, тұтас қаланың, өңірдің дамуын білдіреді.

Муралдың авторлары – көкшетаулық және павлодарлық суретшілер. Солардың бірі – Дәурен Ғалымжанов. Жас дарынның айтуынша беті тегістеліп, қабырғаға әбден сіңдірілген бояу кем дегенде 2 жыл өңін жоғалтпайды екен.

Дәурен Ғалымжанов – суретші:

– Негізі, бұл жерде Абылай Сүлейменов және Алмаз Шарапов деген жолдастарыммен бірге еңбектендік. Суреттің идеясы мен концепциясын 1 күннің ішінде ойластырып, суреттің өзін салуға 6 күн арнадық. 400 шаршы метр аумаққа 150 келі акрил бояуы жұмсалды.

Әсіресе, шетелде кеңінен таралған мурал өнерін жастар Қазақстанда биылдан меңгеріп жүр. Өнерлі жігіттер Көкшетау, Нұр-Сұлтан қалаларында және тіпті, Бурабайда 20-ға жуық нысан келбетін әрлеген екен. Қайырымдылық жобаларға да қатысыпты. Талантты жастар ерке Есілдің бойында орналасқан Қызылжарға бұл туындыларын тарту ретінде ұсынып отыр.

 

 

 

 

Жанна Бисенова

Бұдан әрі оқыңыз

СҚО-дағы «Қызыл оба» қорымы “Сакралды Қазақстан” жобасына енбек
Петропавл мүгедектер үшін қаншалықты қолайлы?
Петропавлда субмәдениет фестивалі өтті
Тұтынушыларға құқықтары түсіндірілді
Қазанның бірі – қазыналы қарттар күні
Солнечный кентінің сыртына қоқыс төккен ер адамға айыппұл салынды
Петропавлда “Үздік шебер” байқауы өтті
Петропавлдық еріктілер 84 жастағы қарияға қолғабыс етті
Мемлекет қолдауымен өз кәсібін ашқан
СҚО-да “Уақытша отбасы” жобасы аясында 122 бала білім алады
Өңірде экскурсия жүргізушілерінің байқауы өтті
Өңірде “Қайырымдылық керуені” республикалық байқау бастау алды