СҚО полицейлері жүргізушіге шабуыл жасап, дүкенді тонаған қылмыскерлерді ұстады

Құқық қорғау органдары

21:24 25 Тамыз 2020

Жамбыл ауданында көлік жүргізушісі мен ауыл дүкенін тонады деген күдікпен 35 және 28 жастағы екі жігіт ұсталды. Оқиға тамыздың 20-сы болған. Алдын ала мәліметтерге сәйкес, жолдастар Пресновкадан шыққан Жигули тізгініндегі азаматтан көрші ауылға апарып тастауды өтінген. Көлікке отыра сала жүргізушіге қоқан-лоқы көрсетіп, телефоны мен машинаның кілтін тартып алған.

Тәртіп сақшылары Жигули мен оның 65 жастағы иесін Новорыбинка және Миролюбово ауылдарының арасында, жолдың шетінде тауып алады. Сөйтсе, рөлге отырған қаскөйлердің бірі көлікті басқара алмай жолдан шығып кетсе керек. Кейін жәбірленушіні оқиға орнында қалдырып, өздері өтіп бара жатқан көліктердің бірімен кетіп қалған. Қарақшылар мұнымен тоқтай қоймаған. Олар Кладбинка селосына барып, 47 жастағы сатушыға шабуыл жасапты. Дүкен кассасынан 44 400 теңгені қолды қылып, ізін суытқан. Аудан полицейлері қос күдіктіні ауыл шетінде ішімдік ішіп отырған жерінен тапқан. Екеуі де – Жамбыл ауданындағы Троицкое селосының тұрғындары. Олардың бұрын да түрлі қылмыс жасағаны үшін сотталғандары анықталды. Қазір қаскөйлер – қамауда.

 

Алтынай Қазиқан

Бұдан әрі оқыңыз

Жыл басынан бері өңірде 4 адам пойыз астына түсіп, көз жұмған
Трактор пойызбен соқтығысып қала жаздады
Петропавлда еріктілер 40 қылмыстың бетін ашуға көмектескен
СҚО-да заңсыз қару сақтаудың 18-ші фактісі анықталды
Әскери билет пен жүргізуші куәлігін жасап беруді ұсынған алаяқтың әрекеті әшкере болды)
“Астық-2020” жедел алдын алу іс-шарасы өткізілуде
Милиция полковнигі В.Богдановичтің құрметіне мемориалдық тақта ашылды
Облыстық ПД музейі қашықтықтан жұмыс істеуде
54 жастағы қала тұрғыны велосипед ұрлаған
СҚО-да жол-көлік оқиғалары салдарынан 4 адам қаза тапты
STOP-трафик” жедел-профилактикалық іс-шарасы барысында 16 әйел есепке қойылды
Наркограффитимен күрес