Бірінші сыныпқа құжаттарды қабылдау мерзімі ұзартылды

Білім

22:10 3 Тамыз 2020

Кирилл Галкин – 6 жаста. Қазір балғын әр күнін ойын ойнап, самокат теуіп өткізеді. Ал ағымдағы жылдың қыркүйегінде алғаш рет мектеп табалдырығын аттайды. Яғни, 1-ші сыныпқа барады. Бұл айтулы датаға кішкентай жерлесіміздің ата-анасы қызу дайындалып жатыр. Олар әзірлікке шілде айында кірісіпті.

Любовь Галкина – қала тұрғыны:

– Біз – 5 бала тәрбиелеп отырған ата-анамыз. Балаларымыздың үшеуі мектепте оқиды. Жақында төртіншісі 1-ші сыныпқа бармақ. Қазір оны ақырындап психологиялық тұрғыда дайындап жатырмыз. Сонымен қатар, балабақшада үйренгендерін қайталап, жазуды және оқуды үйретудеміз. Ұлымыз тұрғылықты мекен-жайы бойынша “Береке” ықшам ауданында орналасқан №26 орта мектептің табалдырығын аттайды.

Ол үшін Кириллдың ата-анасы қажетті құжаттардың барлығын ертерек жинап, eGov.kz электрондық үкімет порталы арқылы өтінім берген. Өтініш мақұлданған. Енді келесі мәселеге тоқталайық. Оқушыға мектеп формасы, оқу құралдары қажет. Болашақ шәкірттің ата-анасы әзірге
кеңсе тауарларын алып үлгеріпті. Алдағы уақытта киім-кешек әпермек.

Вячеслав Галкин – қала тұрғыны:

– Әзірге 20 мың теңгеден астам ақшаға кеңсе тауарларын алдық. Енді қалған дүниелерді сатып алмақшымыз. Ол үшін біраз қаржы қажет. Мысалы, бір баланы мектепке дайындау үшін 30-40 мыңдай жұмсалады.

Осы орайда айта кетейік, ата-аналар бұған дейін мектепке өтінішті ағымдағы жылдың 1-ші сәуірі мен тамыздың 1-і аралығында бере алатын. Алайға, жақында өзгеріс орын алды. Елдегі карантинге байланысты құжат қабылдау мерзімі ұзартылды.

Татьяна Протопопова – СҚО білім басқармасы басшысының орынбасары:

 – Жуырда елдегі карантин режимі тағы 2 аптаға ұзартылды. Сол себепті, ҚР Білім және ғылым министрлігі бірінші сыныпқа құжаттарды қабылдау мерзімін 20 тамызға дейін ұзартты. Яғни, өтініш беріп үлгермеген ата-аналарда тағы екі аптадай уақыт бар.

Ағымдағы жылы облыс бойынша 9 мыңға тарта ұл-қыз тұңғыш рет мектеп табалдырығын аттайды. Бүгінде олардың 90 пайызының ата-анасынан өтініш түсіпті. Құжаттардың басым бөлігі электронды түрде тапсырылған екен. Сөз соңында аса маңызды ақпарды баяндай кетейік. Биыл елдегі ахуалға байланысты құжаттар медициналық анықтамасыз қабылданады.

Ешкенова Дана

 

 

Бұдан әрі оқыңыз

Оқушыларға компьютерлердің дұрыс таратылуын мониторингілік топ қадағаламақ
Солтүстікқазақстандықтар жолдауға үн қосты
М.Жұмабаев ауданында 11 әлеуметтік нысан биоотынмен жылытылады
Биыл “Kozybayev University”-ге мыңнан астам грант бөлінді
Петропавлдық мектептер қысқа сақадай сай
Жергілікті университетте Көшбасшылықты дамытудың білім беру орталығы ашылды
Kozybayev University-дің жатақханасына студенттер қабылданып жатыр
Биыл өңірде 107 білім беру нысаны жөндеу көрмек
“Мектепке жол” акциясы аясында кезекті отбасы көмек алды
СҚО-да 10 колледж штаттық режимде жұмыс істеп жатыр
Петропавлда 3 мыңға жуық бала 1-ші сыныпқа барды
ЖОО-дағы қатаң есептегі құжаттардың 11 нысаны алынып тасталды