Былғары қолғап шебері Евгений Павлов жеңіске жетті

Спорт

20:41 27 Шілде 2020

Спорт сүйер қауымға сүйінші жаңалық! Жерлесіміз Евгений Павлов кәсіби рингтегі өзінің алғашқы жекпе-жегінде жеңіске жетті.

Ол Белорусь астанасы Миниск қаласында өткен бокс кешінде венгр спортшысы Патрик Ренатоны тізе бүкпірді. Кездесу 6 раундқа жоспарланған. Алайда, 2-ші раундта-ақ аяқталды. Солтүстікқазақстандықтың ауыр соққыларына қарсыласы шыдас бермеді. Мажарстандық бірнеше рет нокдаунға түсті. Соңғы нокдаунда тіпті тұра алмай, отырып қалды. Мұны төреші дер кезінде байқап, жекпе-жекті тоқтатты. Осылайша 21 жасар шаршы алаң шебері жеңіске жетті. Айта кетейік, Евгений Павлов – Петропавл қаласында орналасқан “Олимп” балалар-жасөспірімдер спорт мектебінің тәрбиеленушісі. Ол бокстан облыс құрамасының аға жаттықтырушысы Денис Языковтың қол астында жаттығып, әуесқойлар арасында биік белестерді бағындырды. Алайда, биыл кәсіби спортқа ауысты.

Денис Языков – бокстан облыс құрамасының аға жаттықтырушысы:

– Евгений алғашқы жекпе-жегінде жақсы өнер көрсетті. Бірден венгр спортшысының мысын басып, соққының астына алды. Әдемі, айқын жеңіске жетті. Алдағы уақытта тағы шаршы алаңға шығады. Жоспар бойынша 1 айдасын Германияда қолғап түйістіруі қажет. Әзірге қарсыласын білмейміз. Женя Қазақстанға келмейді. Минсктен Германияға ұшып, сол жақта жаттығады. Евгений жайдан-жайдан кәсіби боксқа ауысқан жоқ. Токиядағы Олимпиада ойындарына жолдама ала алмағасын, барлығымызбен ақылдаса келе өзінің спорттық мансабына өзгеріс енгізді. Әрі жақсы ұсыныс түсті.

 

 

 

 

Данаш Хамзина

Бұдан әрі оқыңыз

Петропавлдық боксшы кәсіпқой рингтегі алғашқы кездесуін өткізді
Өңірде секіртпемен секіруден онлайн сайыс бастау алды
Өңірде бұқаралық спорт дамып келе жатыр
Жолдау-2020: спорттық және шығармашылық үйірмелер көбейеді
Велошабандоздарымыз халықаралық жарыстан жүлделі оралды
Жергілікті “ESIL SK” ВК ҚР кубогі мен чемпионатқа дайындалуда
“Қызылжар” ФК келесі қарсыласы – қостанайлық “Тобыл”
“Қызылжар” ФК алматылық “Қайраттан” жеңілді
Хоккейден Қазақстан чемпионатының басталу уақыты кейінге шегерілді
Жергілікті “Qyzyljar” ФК қостанайлық “Тobol”-дан жеңіліп қалды
әл-Фарабидің 1150 жылдығына орай шахматтан халықаралық турнир өтті
Жерлесіміздің жарқын жеңісі