Мотоцикл жүргізушілері жауапкершілікке тартылды

Құқық қорғау органдары

20:42 22 Шілде 2020

Жаз келіп, күн ысығалы мотоцикл жүргізушілерін жиі көретін болдық. Әсіресе, кешкі-түнгі уақытта олар әрлі-берлі зуылдап, жұртшылықтың мазасын алуда. Жақында төзімі таусылған қалалықтар полицейлерге шағымданыпты. Мамандар мәселені бірден қолға алып, рейд өткізуде. Нәтижесінде тәртіп бұзған 23 адам анықталды.

Жанағы 23 жүргізушінің 7-і жауапкершілікке тартылды. Олар 5 АЕК көлемінде айыппұл арқалады. Тағы, полицейлер рейд барысында жүргізу құжатынсыз қос дөңгелекті көлік басқарған адамдарды да анықтапты.

Өмірсерік Оразғали – Петропавл қ. ПБ патрульдік полиция батальоны қызметінің аға инспекторы:

– Әлеуметтік желілерде мотоцикл жүргізушілері қала тыныштығын бұзуға байланысты шағым келіп түскен болатын. Осыған байланысты Петропавл қаласы мен Бескөл ауылында патрульдік полиция қызметкерлерімен рейд өткізілді. Нәтижесінде техникалық байқаудан өткізілмеген және құжаттарсыз көлік басқарғаны үшін 3 әкімшілік хаттама толтырылды. Сондай-ақ, бүгінгі таңда Жамбыл көшесіне түнгі сағат 22.00-ден таңғы 7-ге дейін жүруге тыйым салатын 22 жол белгісі орнатылды.

Жалпы, алты айда облыс аумағында 80 жол-көлік оқиғасы тіркелген. Салдарынан 12 адам көз жұмып, 108-і түрлі дене жарақатын алыпты. Сондай-ақ, жол жүру ережелерін бұзған 20 895 факті анықталыпты.

 

 

 

 

 

 

Маржан Касымбек

Бұдан әрі оқыңыз

Полицейлер 170 млн теңгені тонауға қатысы бар күдіктіні ұстады
СҚО-да 4 сібір елігін атып алғандар ұсталды
«Пиротехника» жедел-алдын алу іс шарасы өтті
Облыста «Бұзушы» жедел-алдын алу іс-шарасы өтуде
СҚО ПД бастығы биыл 40-қа жуық азаматтық қабылдау өткізген
Қос қылмыскер темір торға тоғытылды
Петропавлда жол-көлік апаты болып, 5 адам ауруханаға жеткізілді
Жанар-жағармай құю станциясын тонаған петропавлдық ұсталды
Қаңғыбас жандар қабылдап-тарату орнына жеткізілуде
62 жастағы петропавлдық заңсыз спирттік ішімдік сатқан
Полицейлер тұрғындарды мерекемен құттықтады
Өңірде ауа райының қолайсыздығына байланысты жолдар жабылды