Ауыл шаруашылығы саласындағы көрсеткіштер қорытындыланды

Ауыл шаруашылығы

20:44 22 Шілде 2020

Алдымен Бекшенов мырза облыстағы сүтті мал шаруашылығына тоқталды. Оның сөзінше, бүгінде өңірдегі 80-нен астам шаруашылық ақ өндірумен айналысады. Артта қалған 6 айдың ішінде олар 150 мың тоннаға жақын өнім шығарыпты. Кәсіпорындардың – 18-і заманауи. 7-еуі соңғы 2 жылда тұрғызылған. Облыс әкімінің тапсырмасы бойынша биыл тағы 10 кешен салынады. Қазір бұл бағытта қызу жұмыс жүргізіліп жатыр.

Ерболат Бекшенов – СҚО ауыл шаруашылығы және жер қатынастары басқармасының басшысы:

– Жобаларды жүзеге асыруға 14 млрд теңгеден аса инвестиция құйылады. Заманауи нысандар толық қуатта жұмыс істеген кезде қосымша 30 мың тоннадан астам сүт өндірілмек. Бұдан бөлек, 200-ден астам жаңа жұмыс орны құрылады.

Сүт өндірісінің жайы түсінікті. Енді өңдеу өнеркәсібіне ойысайық. Бүгінде өлкемізде сүт өңдейтін 14 кәсіпорын бар. 2019 жылы олардың жүктемесі 91% құрапты. Биыл бұл көрсеткіш біршама артқан.

Енді қамту көрсеткіші жайлы баяндайық. Өңірде сүт және сүт өнімдері жеткілікті деп айтқанмын, тұтынатынн сүзбенің 10% және ірімшіктің 34% импорттайды екенбіз. Сондықтан бұл бағытта тиісті жұмыстар жүргізіліп жатыр. Оған дәлел – Ғ.Мүсірепов ауданындағы “Перлини” жеке кәсіпкерлігі. Наурызда іске қосылған кәсіпорын айына мың келі қатты және жұмсақ ірімшік өңдеп, саудаға шығарады. Алдағы уақытта мұндай өндіріс ошағын Айыртаудағы “Тезис” серіктестігі ашпақ. Ондағы 1 тәуліктегі қуаттылық 10 тоннаны құрайтын болады.

Ерболат Бекшенов – СҚО ауыл шаруашылығы және жер қатынастары басқармасының басшысы:

– Сондай-ақ, Петропавл қаласындағы “Масло Дел” серіктестігінде қайта жаңғырту жұмыстары жүргізілуде. Мұның нәтижесінде қосымша желілер пайда болады. Іс ағымдағы жылдың желтоқсан айында аяқталады. Осылайша кәсіпорынның жылдық қуаттылығы 32 мың тоннаға артпақ.

2020-да аққайыңдар өлкесіне Ресей мен Еуропа елдерінен 5 мың бас асыл тұқымды ірі қара әкелінбек. Оның 966-сы жеткізіліпті. Араларында етті бағыттағы төрт аяқтылар да бар. Осы орайда ет өндіру ісіне тоқталайық. Былтыр аймақта 97 мың тонна өнім өндіріліпті. Биыл бұл көрсеткіш 102 мың тоннаға жетпек.

Ерболат Бекшенов – СҚО ауыл шаруашылығы және жер қатынастары басқармасының басшысы:

– Етті мал шаруашылығын дамыту үшін Қызылжар ауданында мың басқа арналған ферма тұрғызылуда. Сондай-ақ, биыл облыста 3 ірі бордақылау алаңы салынбақ. Олар Айыртау, Уәлиханов және Ақжар ауданында болады. Фермалардың сыйымдылығы 10 және 3 мың басты құрамақ.

Үстіміздегі жылы Петропавл қаласындағы “Петропавл бройлер” серіктестігі де жаңа құс фабрикасының құрылысын бастамақ. Қазіргі уақытта жер телімі бөлініп, оны рәсімдеу жұмыстары жүргізілуде.

 

 

 

 

Ешкенова Дана

 

Бұдан әрі оқыңыз

Тайыншадағы шаруашылықтардың бірінде арпа шығымдылығы 3 есеге кеміген
Айыртау ауданында сүт-тауарлы ферма салынып жатыр
Аптап ыстық пен жауынның жоқтығынан егістік қурап жатыр
Өңірде бал жинау науқаны жүріп жатыр
Жамбыл ауданында мал шаруашылығымен айналысатын нәзік жанды тұрады
Алқаптар химиялық өңдеуден өтті
Есілдік фермерлер қысқа қамдануда
Диқандар күзгі жиым-терім жұмыстарына техникаларын әзірлеуде
Әкімдік отырысында орақ науқанына дайындық пысықталды
Қолданыссыз жатқан 73 мың гектар жер мемлекетке қайтарылды
Сыбайлас жемқорлық тәуекелдері жайлы сөз қозғалды
Малы қараусыз жайылған тұрғындарға айыппұл салынбақ