Өңірлік міндетті әлеуметтік медициналық сақтандыру қорының мамандары жедел жәрдемнің жаңа қызметі турасында түсініктеме берді. Еске салсақ, енді азаматтар ақылы мобильдік бригадалардың көмегіне жүгіне алады. Бір шақырту құны – 5 жарым мың теңге.
Алайда, жұртшылыққа қалтадан ақша шығарудың қажеті жоқ дейді мамандар. Қызмет үшін ақы медициналық сақтандыру қоры есебінен өтелмек. Айта кеткен жөн, мобильдік бригадалар бойында COVID-19 және пневмония белгілері бар науқастарды бақылау үшін қажет. Сондай-ақ бұл жедел топтары стационарда ем алып шыққан жандардың хал-жағдайын қадағалайды, созылмалы аурулары бар азаматтарға үйде қызмет көрсетеді әрі жүкті әйелдер мен балаларға патронаж жүргізеді.
Саят Ермек