Атты полицейлер саяжай учаскесінде мас бұзақыны ұстады

Құқық қорғау органдары

23:11 7 Шілде 2020

Саяжай учаскелері – қатаң бақылауда. Жазғы үйлердің аумағындағы қоғамдық тәртіпті кавалериялық полк қадағалайды. Салт атты полицейлер күнделікті Заречный мен Новопавловка кенттерінде рейд жүргізеді.

Бірер күн бұрын құқық қорғаушылар кезекті патруль барысында бұзақыны ұстаған. Ішімдікке сылқия тойып алған петропавлдық “Ранет” қауымдастығына қарасты саяжайлардың біріндегі терезелерді сындырып, тұрғындармен жанжалдасқан. Оны естіген көршілері бірден жақын маңдағы кавалериялық полкқа хабар беріпті. Осылайша көп ұзамай тәртіп бұзушы құрықталды. Жалпы, мамандар жазғы үйлердің аймағындағы жағдайды қалыпты деп бағалайды. Рейд шараларын полицейлер саяжай маусымы аяқталғанша жүргізбек.

Жақсылық Қожелдақов – қалалық ПБ кавалериялық бөлімше командирі:

– Біз 17 саяжай қауымдастығын өз бақылауымызға алдық. Тұрғындарға тиесілі мал-мүліктің ұрлануына жол бермейміз. Пандемия кезінде достарымен, туған-туыстарымен көңіл көтергендерге тосқауыл боламыз. Оқыс оқиғалар орын алмасы үшін адамдардың ішімдік ішпеулерін қадағалаймыз.

Людмила Шадрина:

– Салт атты полицейлерге алғысымыз шексіз. Күнде саяжай учаскелерін аралап жүреді. Тәртіп сақшылары барда – біздің жанымыз тыныш.

Эльмира Садвокасова

Бұдан әрі оқыңыз

Полиция қызметкері жүкті жолаушы әйелді босандырып алды
Өзі басшылық ететін серіктестіктің астығын ұрламақ болған
СҚО-да былтыр алкогольді ішімдікті лицензиясыз сатудың 185 фактісі тіркелген
Өңірде ауа райының қолайсыздығына байланысты жолдар жабылды
Жыл басынан облыста 13 интернет-алаяқтық фактісі тіркелген
СҚО-да 4 сібір елігін атып алғандар ұсталды
Спайс сатумен айналысқан петропавлдық 7 жылға темір торға тоғытылды
СҚО-да есірткі жасырып жүрген көкшетаулық тұрғын 8 жылға сотталды
СҚО ПД бастығы биыл 40-қа жуық азаматтық қабылдау өткізген
62 жастағы петропавлдық заңсыз спирттік ішімдік сатқан
Желілік бөлім қызметкерлері ҰОС ардагерін мерекемен құттықтады
Полицейлер 170 млн теңгені тонауға қатысы бар күдіктіні ұстады