Скутер тізгіндегендер тексерілді

Құқық қорғау органдары

23:07 25 Маусым 2020

СҚО-да скутер тізгіндегендер тексерілді. Тәртіп сақшылары арнайы республикалық акция аясында / 7 күндік рейд жүргізді. Нәтижесінде, жалпы қос дөңгелекті көліктерді жүргізуге қатысты 300-ге жақын заңбұзушылық тіркелген.

– Скутер, остановитесь справа. Примите вправо, остановитесь.

Скутер тізгіндеген мына жасөспірім Партизанская көшесінде тоқтатылды. Бұл көлік құралын жүргізу үшін белгілі бір жасқа толу керек. Скутерге мінген ер бала жол қозғалысы ережесін жақсы білемін дегенімен, басты қағиданы естен шығарып алған сияқты.

Нарушитель:

– Я не знал то, что ездить с 14 лет запрещено.

Скутер балаға арналған ермек емес. Әжептәуір жылдамдықпен жүреді. Дыбысының өзі құлаққа жағымсыз деуге болады. Онымен жасы толмаған, қолдануды білмеген жан қалада жүйткіп жүре берсе көшеден сән кетеді, сәннен бұрын апат туындап, адам жапа шегуі мүмкін. Соңғы уақытта қалада скутер мінген жасөспірімдерді жиі байқауға болады. Оның тарапынан ереже ескерілмей жатса, ол – алдымен ата-анаға салық. Әке-шеше жазғы демалыста баланың қайда жүргенін, қалай жүргенін білуі керек дейді тәртіп сақшылары.

Азат Зейнолов – қалалық ПБ ППБҚ инспекторы: 

– Жаз мезгілі келісімен облыс орталығында скутер, мотицикл сияқты көлік түрлері көбейді. Тәжірбие көрсетіп отырғандай, бұл көлік түрлерін көбіне жасөспірімдер пайдаланады. Ал қос дөнгелекті көлік құралын басқару үшін жүргізушілердің жасы 16-дан кем болмауы тиіс. Бұл жүргізушілер қарапайым жолда жүру ережелерін сақтамайды. Соның салдарынан жол-көлік оқиғалары орын алады.

7 күннің ішінде облыс жолдарында қос дөңгелекті көліктерді жүргізуге қатысты 300-ге жақын заңбұзушылық тіркелген. 90-нан астам адамның тиісті құжаттары болмай шықты. 9 жүргізуші жылдамдықты асырса, 3-уі техникалық талапқа сай келмейтін көлікке отырған. Ал 7-уі жаяу жүргіншілерге жол бермеген. Бұл – ережені сақтауға деген немқұрайлылық немесе тіпті, ереженің өзін білмеу. Бұдан өзге себеп жоқ сияқты.

Дана Ешкенова

Бұдан әрі оқыңыз

Петропавлда металл ұрлағандар анықталды
СҚО-да иісшіл иттердің көмегімен 600-ден астам қылмыс әшкереленген
Биыл Петропавлда 183 интернет-алаяқтық фактісі тіркелген
Полицейлер тұрғынға ұрланған велосипедін тауып берді
СҚО-да ірі көлемде марихуана тәркіленді
Петропавлда жол-көлік апаты орын алды
Өңір тұрғындары 47 бірлік қару тапсырды
Заманауи бейнекамералардың көмегімен 1 мыңнан аса құқықбұзушылық анықталды
Қоғамдық тамақтану орындарының жұмысы – қатаң бақылауда
СҚО-да жол-көлік оқиғасынан 2 адам қаза тапты
38 жастағы алаяқ құрықталды
СҚО-да «Жолда қабылдау» акциясы бастау алды