Жанар-жағармай станциясына қарақшылық шабуыл жасалды

Құқық қорғау органдары

22:15 11 Маусым 2020

Заң бұзған құрдастар құрықталды! Маусымның 9-ынан 10-на қараған түні  Қызылжар ауданында жанар-жағармай станциясына қарақшылық шабуыл жасалды. Қос баукеспе кассирді қорқытып, қомақты қаржыны қалтаға басқан. Көп кешікпей тәртіп сақшылары екеуін де қолға түсірді.

Оқиға желісі былай болған. Түнгі екілер шамасында Соколовка ауылы маңындағы жанар-жағармай станциясына медициналық бетперде киген 2 ер адам баса-көктеп кіріп, кассирден ақша талап еткен. Олардың бірі тіпті әйел адамға кеңселік пышақ тақап, қорқытқан. Бірақ, 47 жастағы кассир қаскөйге барынша қарсылық көрсетіп, сытылып шығып, көрші тұрған газ құю станциясына қарай қаша жөнелген. Сол жерде полицияға хабар беріпті. Қылмыскерлер кассадағы 270 мың теңгеден астам соманы алып, жоқ болған. Тәртіп сақшылары хабарды ала сала оқиға орнына дереу жетеді. Бірнеше сағатқа созылған іздестіру шараларының нәтижесінде ұрылар қолға түсті.

Талғат Смағұлов – СҚО ПД криминалдық полиция басқармасының аға жедел уәкілі:

 – Қызылжар ауданының Соколовка ауылы маңындағы жанармай құю бекетіне шабуыл жасалды деген ақпарат келіп түсті. Оқиға орнына облыстық криминалдық полиция басқармасының қызметкерлері шықты. Іздестіру шаралары барысында облыс орталығына қарай бет алған 2 жас жігіт анықталды.

Тексеріс барысында ұрылардың сөмкелерінен ұрланған ақша табылды. Қос баукеспе аудандық полиция бөлімінің уақытша ұстау изоляторына қамалды.

Күдікті:

 – Увидел, что женщина одна сидит, как раз сумма денег нужна была, но решил там взять получается.

Күдікті:

 – Я стоял на стороже, чтобы не дай Бог проезжающая машина не остановилась. Ждал, когда друг выйдет с деньгами.

Аталған факті бойынша ҚР Қылмыстық кодексінің 192-бабы 2-бөлігі «Қарақшылық» бойынша сотқа дейінгі тергеп-тексеру жүргізілуде. Бұл бап бойынша 5 жылдан 10 жылға дейiнгi мерзiмге бас бостандығынан айыру жазасы көзделген.

 

 

 

Дана Ешкенова

 

Бұдан әрі оқыңыз

Облыста «Бұзушы» жедел-алдын алу іс-шарасы өтуде
Полицейлер 170 млн теңгені тонауға қатысы бар күдіктіні ұстады
Желілік бөлім қызметкерлері ҰОС ардагерін мерекемен құттықтады
Спайс сатумен айналысқан петропавлдық 7 жылға темір торға тоғытылды
Өңірде ауа райының қолайсыздығына байланысты жолдар жабылды
СҚО-да 4 сібір елігін атып алғандар ұсталды
Жолда қалған жандарға жәрдем берді
СҚО-да былтыр алкогольді ішімдікті лицензиясыз сатудың 185 фактісі тіркелген
СҚО ПД бастығы биыл 40-қа жуық азаматтық қабылдау өткізген
Петропавлда жол-көлік апаты болып, 5 адам ауруханаға жеткізілді
Жанар-жағармай құю станциясын тонаған петропавлдық ұсталды
62 жастағы петропавлдық заңсыз спирттік ішімдік сатқан