“Мемлекеттік тіл және БАҚ” облыстық байқауы мәресіне жетті. Жыл сайын конкурсқа өңіріміздің қаламы қарымды журналистері өз материалдарын жолдайды. Биыл байқауға 2 телеарна мен 7 мерзімді баспасөз қатысты.
Қатысушыларға бірнеше талап қойылды. Ең бастысы – материалда тек проблема ғана емес, оны шешу жолы да көрсетілуі тиіс. Нәтижесінде, Муниципалдық телеарна тілшісі Айгерім Мұқашеваның бейнематериалы үздік деп танылды. Ал “Qyzyljar” арнасындағы әріптесіміз Наталья Аитованың сюжеті 2-ші орынды иеленді. Мерзімді баспасөз журналистерінің арасындағы үздік үштікті «Солтүстік Қазақстан» газетінің тілшісі Гүлбике Күбенова тұйықтады. 2-ші орынды Жамбыл аудандық “Ауыл арайы” газетінің бас редакторы Игілік Рахметов еншілесе, 1-ші орынды “Неделя СК” газетінің шолушысы Алена Любушак иеленді.
Игілік Рахметов – Жамбыл аудандық “Ауыл арайы” газетінің бас редакторы:
– Мемлекеттік тілді дамытуға БАҚ өкілдері өз үлестерін қосулары қажет.
Эльмира Садвокасова