Үлкен отбасы балаларына сыйлықтар үлестірілді

Қоғам

21:35 1 Маусым 2020

Отбасындағы ең үлкен бақыт, ол – бала дейді Елена Даниленко. Қазіргі күні қала тұрғыны 7 ұл-қыз тәрбиелеп отыр. Бүгін көпбалалы шаңыраққа еріктілер мен аниматорлар келді. Жаны жайсаң жандар балаларды мейрамдарымен құттықтап, ойыншықтар үлестірді.

Елена Даниленко жұбайымен бірге 7 ұл-қыз тәрбиелеп отыр. Балалардың кенжесі 6 жаста. Алтын құрсақты ананың үйіне бүгін еріктілер кірді. Мейірімді жандар көпбалалы отбасыға азық-түлік пен ойыншықтар ала келіпті. Қастарында аниматорлар да бар. Олар балаларды мерекемен құттықтап базарлықтарын таратты.

Үйдің кенжесі Иван 6 жаста. Күзде 1-ші сыныпқа барады екен. Балақай еріктілердің келгеніне қатты қуанды. Бүгін ол сыйлыққа тоғызқұмалақ ойынын алды. Иван жаны жайсаң жандарға рақмет айтып, алғысын білдірді.

Иван Даниленко:

– Тоғызқұмалақты үйде әпкем ғана ойнай алады. Мен енді одан үйренетін боламын. Бұл ойыншық маған қатты ұнады. Көп рақмет.

Кейбір кісілер бала тәрбиелеу өте қиын деп айтады. Мен мұнымен келіспеймін дейді Елена Даниленко. Айтуынша отбасында бала қаншалықты көп болса үй де соншалықты береке мен ырысқа толады.

Елена Даниленко – көпбалалы ана:

– Балалар көп болса оларды бағу да оңай секілді. Өйткені, біздің үйде ұл-қыздардың барлығы бір-біріне қарайласып, көмектесіп жүреді. Бірге сабақ оқиды, үлкендері – күйеуім екеуімізге жақсы қолғанат. Кішілердің киім-кешегін жуып, тамақтарын да өздері пісіре береді.

Бұл шараның ұйымдастырылуына мұрындық болып отырған жергілікті кәсіпкерлер екен. Қалталы азаматтар төтенше жағдай уақтытында да 100-ден аса көпбалалы отбасыға жәрдем көрсетіпті.

Бақдәулет Сапарханов – қалалық жастар ресурстық орталығының жастар ісі жөніндегі нұсқаушысы:

– Жастар ресурстық орталығы және “Лидер.кз” ұйымымен бірге қаламыздағы көпбалалы отбасыларды мерекемен құттықтап, азық-түлік, ойыншықтар таратып жүрміз.

Жалпы, еріктілер бүгін 10-ға жуық көпбалалы отбасының үйіне кіріп, ұл-қыздарды мерекелерімен құттықтады.

 

 

Бердимурат Баймухан

 

 

Бұдан әрі оқыңыз

Санитарлық-эпидемиологиялық қызметтерді алу тәртібі түсіндірілді
700-ден астам мемлекеттік қызмет үйде көрсетілген
Айналаға қоқыс тастамайық
Мамлютка қаласында спорт және ойын алаңқайы салынуда
“28 ілмек” еріктілер клубының игілікті ісі
Қалада бос орындар жәрмеңкесі өтті
“Nur Otan” партиясына 5 адам қабылданды
“Елбасы медалі” жобасы аясында өтініш қабылдау жүріп жатыр
Ғ.Мүсірепов ауданына биыл 57 отбасы қоныс аударады
Сауда орындарында санитарлық ережелер сақталмайды
Биыл Елордамызға – 22 жыл
Жерлеу рәсімінде жемқорлық бар ма?