Жазасын шартты түрде өтеп жүрген көпбалалы жандарға көмек көрсетілді

Құқық қорғау органдары

21:27 28 Мамыр 2020

Қалалық пробация қызметінің өкілдері мен еріктілер  жазасын шартты түрде өтеп жүрген жандардың балаларына материалдық көмек көрсетті.Игі шара Халықаралық  балаларды қорғау күніне орай ұйымдастырылды. Дәстүрлі акция барысында мамандар 3 отбасыға барып қайтты.

Ойыншық, кеңсе тауарлары мен киім-кешек. Осындай көмекпен бүгін пробация қызметінің мамандары Валентина ФедОровичтің отбасына келді. Нәзікжанды 2 жыл бұрын шалыс қадам жасап, темір торға тоғытылыпты. Бірақ, кенже ұлы дүниеге келген соң сот Валентинаның жазасын шартты түрге алмастырған. Бүгінде азаматша жұбайымен бірге 5 бала тәрбиелеп отыр. Екі үлкен ұлы кәмелеттік жастан асқан, ал кішілері әлі мектеп табалдырығын аттамаған.

Валентина Федорович:

– Кезінде жасаған ісім үшін қатты өкінемін. Қазіргі уақытта заңның ала жібін аттамай, барлық талаптарды қатаң сақтап жүрмін. Бүгінгі көмек үшін ризашылығымды білдіремін. Мамандар әрдайым қолынан келгенше жәрдемдесіп тұрады.

Жалпы, мұндай акция балаларды қорғау күні қарсаңында жыл сайын ұйымдастырылып тұрады. Пробация қызметінің мамандары есепте тұрған көпбалалы және аз қамтылған отбасыларға жәрдемдеседі.

Дина Токбаева – Петропавл қаласы пробация қызметі бөлімінің инспекторы:

– Бүгін акцияның алғашқы күні. Қазір тағы 3 отбасыға барамыз. Шара 1 маусымға дейін жалғасады.

Негізі, өңірде кезінде заңға қайшы әрекет жасап, қазір жазасын шартты түрде өтеп жүргендердің саны мыңнан асады. Тең жартысы облыс орталығында тұрады.

Актолкын Солтанханкызы

 

Бұдан әрі оқыңыз

Мамлют ауданының тұрғынынан 200 литр ішімдік тәркіленді
Қару-жарақ пен оқ-дәрі қабылдау акциясы басталды
Апаттық-құтқару құралдарының көрмесі өтті
26 маусым – Халықаралық нашақорлықпен күрес күні
Өңірде жыл басынан бері 16 мал ұрлығы тіркелген
Заңсыз айналымнан 500 литрден аса алкоголь алынды
“Қауіпсіз жол” жедел-алдын алу іс-шарасының нәтижесі
СҚО-да есірткіге тәуелді жандардың қатары азаюда
“Ақылды” бағдаршамдардың пайдасы
Жемқорлыққа жол жоқ
Өңірде сыбайлас жемқорлық фактілері тіркелді
Қос велосипедті ұрлап, сатып жіберген