Соңғы қоңырау онлайн режимде өтті

Білім

23:04 25 Мамыр 2020

Соңғы қоңырау, асқақ арман, кемел келешек. Өңірде 72 мыңнан астам оқушы үшін кезекті оқу жылы аяқталды. 3 мыңнан аса шәкірт қолдарына аттестаттарын алып, үлкен өмірге қадам басады. Бұл жолғы мектеппен қоштасу салтанаты білім ұясында емес, елдегі жағдайға байланысты амалсыздан онлайн түрде өтті. Дегенмен, жастар бұндай әдіске еш мұңайған жоқ. Мұңаятын шақ емес дейді. Алда Ұлттық бірыңғай тестілеу тұр.

Оқушылар үшін асыға күткен күн де келіп жетті. Ұл-қыздар кезекті оқу жылын аяқтады. Дәстүрге сай бұл күні барлық мектеп қабырғаларында соңғы қоңырау соғылу керек еді. Бірақ, биыл емес. Бұл жолы коронавирус кедергі келтірді. Сол себепті, оқушылар салтанатты кешті мектеп қабырғасында емес ZOOM кеңістігінде өткізді. Осыған байланысты Білім және ғылым министрі Асхат Аймағамбетов бейне хабарлама арқылы ұл-қыздарды, ата-аналар мен мұғалімдерді мерекемен құттықтады.
Ал түлектер үшін мұндай шара кейінірек өткізілмек. Бұл туралы облыстық білім басқармасының басшысы Гүлмира Кәрімова бұған дейін баяндаған болатын .

Гүлмира Кәрімова: СҚО білім басқармасының басшысы:

– Екі шараны біріктіруге шешім қабылданған болатын. Соңғы қоңырау мерекесі мен аттестаттарды тапсыру 3-ші, 4 -ші маусымда өткізілетін болады.

11 жыл білім нәрімен сусындаған ұл-қыздар енді үлкен өмірге қанат қақпақ. Қазір олардың алдындағы басты мақсат қолдарына көптен күткен куәліктерін алып, алдағы сын ҰБТ-ны тапсыру болып отыр. Тыңғылықты дайындықты қажет ететін сынақты биыл көппен бірге Дарина Маратова да тапсырады. әл-Фараби мектеп-лицейінің түлегі – “Алтын белгіге” үміткер.

Дарина Маратова – әл-Фараби мектеп-лицейінің түлегі:

– Мен болашақта медицина саласында қызмет еткім келеді. Сол себепті ,Нұр-Сұлтан қаласындағы жоғары оқу орнына түсуді жоспарлап отырмын.

Ал мына жастар – химия-биология бағытындағы Назарбаев зияткерлік мектебінің оқушылары. Биыл оқу ордасын 108 түлек тәмамдап отыр. Онлайн режимде өтіп жатқан салтанатты кешке оқушылар барынша дайындалған екен.

Нұрғали Елшібеков, Химия-биология бағытындағы НЗМ директоры:

– Біз дәл қазір Кембридж университетінен жауап күтіп жатырмыз. Ол екі аптаның ішінде белгілі болады. Сол нәтижеге байланысты түлектер сертификат алады. Кейін, ҰБТ-ға тапсырады.

Жалпы, СҚО-да 72 мыңнан астам оқушы үшін кезекті оқу жылы аяқталды. Оның 3 мыңы – түлектер. Жастардың 151-і – “Алтын белгіге”, 116-сы – “Үздік аттестатқа” үміткер.

Ақтолқын Солтанханқызы

Бұдан әрі оқыңыз

Биыл “Kozybayev University”-ге мыңнан астам грант бөлінді
Петропавлда 3 мыңға жуық бала 1-ші сыныпқа барды
СҚО-да 10 колледж штаттық режимде жұмыс істеп жатыр
Оқушыларға компьютерлердің дұрыс таратылуын мониторингілік топ қадағаламақ
ЖОО-дағы қатаң есептегі құжаттардың 11 нысаны алынып тасталды
М.Жұмабаев ауданында 11 әлеуметтік нысан биоотынмен жылытылады
“Мектепке жол” акциясы аясында кезекті отбасы көмек алды
Солтүстікқазақстандықтар жолдауға үн қосты
Петропавлдық мектептер қысқа сақадай сай
Мектептердегі оқу үрдісінің ұйымдастырылуы
Жергілікті университетте Көшбасшылықты дамытудың білім беру орталығы ашылды
Биыл өңірде 107 білім беру нысаны жөндеу көрмек