Әртістер ардагерлерді Ұлы Жеңістің 75 жылдығымен құттықтады

Мәдениет, Халық тарих толқынында

21:08 11 Мамыр 2020

Петропавлдық әртістер ардагерлерді Ұлы Жеңістің 75 жылдығымен құттықтады. Олар дәл 9-шы Мамыр күні бірқатар қарттың үйіне барып, аулада концерт қойды. Мерекелік іс-шараға Отан үшін от кешкен майдангерлер де ортақтасты.

Садықан Қазбаев – 2 бірдей майданды бастан өткерген жан. Қазақтың қайсар ұлы алдымен фашистік Германияға, кейін шығыстағы Жапонияға қарсы тұрды. Елге тек 47-ші жылы оралды. Сондықтан, 9-шы Мамыр – майдангер үшін маңызы мен мәнісі аса зор мереке.

Бұл мейраммен ардагерді жергілікті әртістер қауымы арнайы құттықтай келді. Олар құлақтың құрышын қандыра ән айтуда. Ауладағы атмосфера керемет. Тұрғындар қалалық мәдениет үйінің қызметкерлерімен қосыла шырқап, би билеуде.

Іс-шарада соғыс туралы әндер айтылды: “День Победы”, “Майский вальс”, “Журавли”. Әр туынды жүректі тебірентеді, көңілге терең ой салады. Әсіресе, соңғы шығарма жиналғандарды бір серпілтіп тастады. Тұрғындар күрсінді, көздеріне еріксіз жас алғандар да болды. Әртістердің өнерін 97 жастағы Садықан ардагер балконнан тік тұрып тамашалады. Арасында жымияды, қолын көтеріп, сәлем жолдайды.

Концерт соңында аулаға ардагердің ұлы Асқар Қазбаев шықты. Ол мерекелік көңіл-күй сыйлаған әртістерге алғысын білдірді. Майдангерге іс-шара ерекше ұнапты.

Асқар Қазбаев – ҰОС ардагері Садықан Қазбаевтың ұлы:

– Бүгінгі концертті тыңдады. Өте риза. Әкеміз барлығын құттықтап, соғыс болмасын деп айтып жатыр. Концерт барлығымызға ұнады.

Жалпы, 9-шы мамырда қалалық мәдениет үйінің өкілдері 10-ға тарта жанды мерекемен құттықтай барды. Яғни, бірнеше аулада концерт қойылды.

Асқар Жәменов – қалалық мәдениет үйінің директоры:

– Акция бойынша 8 мекен жайымыз бар. Жаңа бір адресте болдық. “Береке” ықшам ауданында тұратын ардагерді құттықтадық.

Жер-жерде ұйымдастырылған іс-шара петропавлдықтарға да ұнады. Олар мерекені сезіндік дейді.

– Бүгін көңіл-күйіміз көтеріліп қалды. Концерттен ереше әсер алдық. Ұйымдастырушыларға алғыс айтамыз!

– Концертті үлкен де, кіші де тамашалады. Барлығымызға ұнады. Ардагерлеріміз жасай берсін!

 

 

 

Култанов Байболат

Бұдан әрі оқыңыз

Петропавлда кілемдер көрмесі бастау алды
Жұбан Молдағалиевтің дүниеге келгеніне – 100 жыл
Карантиннен кейінгі алғашқы концерт
Абайдың 175 жылдығына арналып балалар суреттерінің көрмесі өтуде
«Белгісіз солдатты іздеу» деректі фильмі түсіріліп жатыр
Жергілікті университетте кітап көрмесі ашылды
Н.Погодин атындағы облыстық орыс драма театры күрделі жөндеуден өтуде
Ел ғалымдары “Сакралды Қазақстан” жобасы аясында өңірде зерттеу жүргізуде
Әнші Светлана Логвиненконың онлайн концерті өтті
Облыстық кітапханада “Тіл-татулық тірегі” атты әдеби кеш өтті
Жас қылқалам шеберлері салған суреттердің көрмесі өтуде
С.Мұқанов атындағы қазақ сазды-драма театрының 22-ші маусымы ашылды