“Біргеміз” қорынан жәрдемақы берілуде

МТРА жаңалықтары

23:10 30 Сәуір 2020

“Біргеміз” қорынан 11 мыңнан астам петропавлдыққа 50 мың теңгеден қаржылай көмек көрсетілді. Мұндай жәрдемақы көпбалалы, аз қамтылған және мүгедек бала тәрбиелеп отырған отбасыларға берілуде.

Татьяна Делль – қазір декреттік демалыста. Еліміздегі карантинге байланысты отағасы да үйде. Сәйкесінше жанұя тұрақты табысынан айырылған. Жерлестеріміз 3 бала тәрбиелеп отыр. Солардың ортаншысы – 6 жастағы Алиса есімді қыздары даун синдромына шалдыққан

Татьяна Делль – қала тұрғыны:

– “Біргеміз” қорынан отбасымызға жәрдемақы берілді. Оған өте қуаныштымын. Өзім “Солнечный дом” қоғамдық қорында жұмыс істедім. Қазір декреттік демалыстамын. 50 мың теңге көлеміндегі көмек жалғыз бізге емес, ұйымға мүшелік ететін, 30-ға жуық жанұяға көрсетілді. Олар да даун синдромына шалдыққан ұл-қыздарды тәрбиелеп отыр.

Ал, Тимур Жумбаев – жалғызбасты әке. Зайыбы осыдан 6 жыл бұрын дүниеден өтіпті. Бүгінде азамат Артем мен Диана деген ұл-қызын тәрбиелеп отыр. Қала тұрғыны жуырда денсаулығына байланысты жұмысынан айырылыпты. Ендігі жалғыз күнкөрісі – толық емес отбасыға берілетін жәрдемақы екен. Оның өзі пәтерақыдан артылмайтын көрінеді.

Тимур Жумбаев – жалғызбасты әке:

– Бүгін есепшотыма 50 мың теңге түсті. Карантин кезінде беріліп жатқан мұндай көмекке өте риамыз. Алғысымды айтамын. Бізге бұған дейін де нұротандық жастар келіп, азық-түлік әкеліп берді.

Жалпы, бүгінге дейін “Біргеміз” қорынан берілетін жәрдемақыға 11 мыңнан астам петропавлдық қол жеткізген. Олардың дені – көпбалалы, аз қамтылған және мүгедек баланы тәрбиелеп отырған отбасылар.

Актолкын Солтанханкызы

Бұдан әрі оқыңыз

Құрылыс жұмыстары қадағаланады
Мемлекеттік сатып алулар – жемқорлыққа қарсы қызметтің бақылауында
Арнайы шақырылым сарбаздары марапатталды
Жергілікті тауарлар дүкен сөрелерінде алдыңғы қатарда тұруы тиіс
ХҚКО маңындағы ағаштарды кім кесті
Мемлекеттік қызмет істері жөніндегі департамент бұқара үшін ашық
7 Мамыр күніне арналған шығарылым
Орман алқаптарында минералды жолақтар жыртылуда
Қауіпсіздік шараларының сақталуы – назарда
Уәлиханов ауданында “Ашық әкімдік” жұмысын бастады
Өңірде ашық бюджеттердің интерактивті картасы жұмыс істейді
ХҚКО-лар енді жаңа форматта жұмыс істейді