Карантин кезінде үйде отырып, кеш тамашалаңыз! ҚР Мәдениет қайраткері, «Сегіз сері» атындағы қазақ халық аспаптары оркестрінің дирижері Қайырлы Ғафуров кезекті рет концерт бермекші. 45 минутқа жоспарланған іс-шара ертең, яғни сәуірдің 23-і күні ұйымдастырылады. Онда өнерпаз домбырамен және эстрадалық жанрда 10-ға жуық ән шырқайды. Шығармалар ұлы ақын Абай Құнанбаевқа, Жеңіс күніне, туған жер мен достарға арналған. Бұлардың арасында сегіз қырлы, бір сырлы Қайырлы ағамыздың жүрекжарды туындылары да бар.
Қайырлы Ғафуров – «Сегіз сері» атындағы қазақ халық аспаптары оркестрінің дирижері, ҚР Мәдениет қайраткері:
– Кешкі сағат 19:00-де филармонияның инстаграмм парақшасында тікелей эфирге шығамыз. Көрермендерді қуантқымыз келеді.
Бердимурат Баймухан