Жұмыла көтерген жүк жеңіл! Достық үйінің еріктілері қиын кезеңде жалғызілікті қарттарға көмек қолын созуда.
Нан, сүт, шай мен көкөністер. Белсенді солтүстікқазақстандықтар жергілікті зейнеткерлердің тапсырысы бойынша алғашқы қажеттіліктегі азық-түліктерді сатып алып, үйлеріне апарып беруде. Бұл жолы волонтерлер Анатолий Антоновқа жәрдемдесті. Қарияның көзі нашар көреді. Ол өзі дүкенге бара алмайды екен. Шарапаты мол шара соңында қыз-жігіттер сексеннің сеңгеріне шыққан қала тұрғынының алғысын алды.
Мария Татаренко – “Қоғамдық келісім” КММ жетекшісінің орынбасары:
– 1 күнде бізге кем дегенде жүздеген зейнеткерден өтініш түседі. Біз ең алдымен олардың мекен-жайын сұрап, анықтап аламыз. Кейін, сол маңда тұратын еріктілерге хабар береміз. Қыз-жігіттер қажетті азық-түлікті сатып алып, үйіне апарады. Қария керекті дүниені алған соң ғана ақшасын төлейді.
Маржан Касымбек