Бескөл ауылында зарарсыздандыру жұмыстары жүргізілуде

МТРА жаңалықтары

21:38 31 Наурыз 2020

Осы күндері Қызылжар ауданының орталығында зарарсыздандыру жұмыстары жүргізіліп жатыр. Нақтырақ айтар болсақ бүгінде Бескөлдегі көшелер мен тұрғындар көп жүретін аумақтар дезинфекциялануда. Оған қоса мұндай шаруа аялдамаларда да атқарылуда. Ауылдағы тазалық шарасы күніне 2 мәрте ұйымдастырылады.

Маржан Қасымбек – тілші:

– Дәл қазір сағат тілі 7:30-ды көрсетіп тұр. Біз Қызылжар ауданының орталығы Бескөл ауылындамыз. Бірер минуттан соң елді мекен көшелерінде зарарсыздандыру жұмыстары бастау алады. Істі жергілікті кәсіпкерліктің мамандары атқармақ.

Бұл – Дорожная көшесі. Жолдың бойында кітапхана, автобекет пен ауылдағы жалғыз супермаркет орналасқан. Осы жерде әр күн сайын 100-деген көлік пен тұрғын жүреді. Сондықтан мамандар зарарсыздандыру жұмыстарын осы көшеден бастады. Олар арнайы сұйықтықты айналаға шашып, дезинфекция жүргізуде.

Трактордың артына орнатылған бір бөшкеде 800 литр сұйықтық бар. Құрал ауылдың 5-6 көшесін дезинфекциялауға жетеді екен. Жауапты шаруа аяқталғасын мамандар аялдамаларды зарарсыздандырды. Істе дихлор ерітіндісін қолданылды.

Мұндай сұйықтық адамдар мен жануарлардың өміріне кері әсер етпейді. Керісінше, вирустарды жояды, ауаны тазартады. Яғни, қоршаған ортаға пайдасын тигізеді. Игі іске бескөлдіктер разы. Олар мамандарға алғыстарын білдіріп жатыр.

– Күнде осында жұмыс істеуге келемін. Вирустың алдын алу мақсатында осындай істі жүргізіп жатқан жандарға алғыс айтамын.

– Зарарсыздандыру жұмыстарына өзім куә болдым. Мұндай істердің жүргізіліп тұрғаны жақсы.

Жалпы, Бескөл ауылында тазалалық жұмыстарын күніне 2 рет жүргізіледі. Мамандар таңертен және кешкілік көшелер мен аялдамаларды зарарсыздандырады.

Ербол Бәгенов – Бескөл ауылының әкімі, Қызылжар ауданы:

– Ауылды зарарсыздандыру арқылы вирустан қорғанамыз. Біз көшелерден бөлек, аурухана маңы мен ауылдағы басқа да жерлерді зарарсыздандырып жатырмыз.

Дезинфекциялау жұмыстары алдағы уақытта да жалғасын таппақ. Қашан аяқталатыны белгісіз.

 

 

Маржан Касымбек

Бұдан әрі оқыңыз

Қазақстандықтар ақшаларын көбіне қай банкте сақтайды
Былтыр өңірде 2 мемлекеттік қызметші жұмысынан босатылған
Президент мерзімді әскери қызметке шақыру туралы жарлыққа қол қойды
Өткен жылы дәріханаларға 600-ге жуық тексеріс жүргізілген
“Nur Otan” партиясы СҚОФ фракциясының отырысы өтті
Есіл ауданында боранда адасып кеткен бала мен жігіт табылды
Қазақстанда 2021 жылы халық санағы өтеді
“Nur Otan” партиясы СҚОФ фракциясының отырысы өтті
Солтүстікқазақстандық кәсіпкер жылжымалы монша жасайды
Жануарларға қатысты зорлық-зомбылықты тыю
Кеңес әскерлерінің Ауған жерінен шығарылғандарына – 32 жыл
Депутаттар Қаржы министрлігінен шағын бизнесті қолдауды сұрайды