Елдегі төтенше жағдайға байланысты сот жүйесі де біртіндеп онлайн режимде жұмыс істеуге көшіп жатыр. Яғни, фемида өкілдері сот отырыстарын бейнеконференция байланысы арқылы өткізуде.
Мәселен, өткен аптада Петропавл қаласының №2 сотында заман игіліктерінің көмегімен 20 отырыс ұйымдастырылыпты. Мұнда 5 судья еңбек етеді. Олар белгілі бір кесте бойынша жұмыс істейді. Осы орайда мамандардың ұсынысына құлақ түріңіздер.
Фемида өкілдері солтүстікқазақстандықтарды өтініштерін, талап-арыздарын мейлінше кейінге қалдыруға шақырады. Елдегі ахуал реттелгенде мәселені көзбе-көз талқылауға мүмкіндік туады. Ал мүмкіндік болмаса, тұрғындар “Электрондық үкіметтің” веб-порталын, «Сот кабинеті» сервисін пайдалана алады.
Бердібек Мұстафин – СҚО мамандандырылған ауданаралық экономикалық сотының судьясы:
– Еліміздегі жағдайға байланысты соттар ерекше жұмыс режиміне көшті. Сол себепті, жерлестерімізден түсіністікпен қарауды сұраймыз.
Ешкенова Дана