Бескөлде күзде 5 қабатты үй қолданысқа тапсырылады

МТРА жаңалықтары, Құрылыс

21:18 17 Наурыз 2020

Қазір Бескөл ауылында 40 пәтерлі 5 қабатты үй салынып жатыр. Нысанның құрылысына “Нұрлы жер” мемлекеттік бағдарламасы аясында ел қазынасынан 370 млн теңге бөлінген. Баспаналар елді мекендегі көпбалалы отбасыларға, аз қамтылған жанұялар мен мүгедек жандарға табысталады.

Бескөлдегі мына үйдің құрылысы өткен жылдың қыркүйек айында бастады Қазір бұл жерде шаруа қызу. Жұмысшылар баспананың кірпіштерін қалауда. Маңыздысы сол – нысан арбаға таңылған жарым жандардың кіріп-шығуына ыңғайлы етіп жасалып жатыр: әр подъездің маңында пандус орнатылады, ал бірінші қабатқа үлкен есік қойылады.

Есенгелді Қоқышев – құрылыс учаскесінің басшысы:

– Үйдің құрылысын “Зерттеу СК” серіктестігі жүргізіп жатыр. Мұнда 30-дан астам маман жұмыс істеуде. Біз темірбетондарды орнатып болдық. Сондай-ақ, 4 қабаттың қабырғаларын тегістедік. Дәл қазір 1-ші және 2-ші қабаттарға электр сымдарын тартудамыз.

Болашақта тұрғын үйде 1 және 2 бөлмелі 40 пәтер болады. Олардың аумақтары да әртүрлі. Мәселен, 1 комнаталы – 35, ал 2 бөлмелі баспананың аумағы 60 шаршы метрді құрамақ.

5 қабатты бұл баспана қашан қолданысқа беріледі деп бескөлдіктер асыға күтіп отыр. Соңғы мәліметтерге сәйкес қазір аудан орталығында 700-ден астам адам пәтер кезегінде тұр екен. Олардың басым көпшілігі – көпбалалы отбасылар. Тағы, аз қамтылған жанұялар мен мүмкіндігі шектеулі жандар да аз емес.

Қайсар Әмірин – Қызылжар аудандық сәулет, құрылыс, ТҮКШ, жолаушылар көлігі және автомобиль жолдары бөлімінің басшысы:

– Бұл пәтерлер үй кезегінде тұрған адамдарға арнап салынып жатыр. Баспана кезегі келіп тұрған жандарға беріледі.

Көпқабатты нысан «Нұрлы жер» мемлекеттік бағдарламасы бойынша тұрғызылып жатыр. Құрылысқа бағытталған қаражаттың сомасы 370 млн теңгеден асады. Ақша республика қазынасынан бөлінген. Бүгінде ғимарат 70 пайызға дайын.

Маржан Қасымбек – тілші:

– 5 қабатты үйдің құрылыс жұмыстары қыркүйек айында аяқталады. Нысан тапсырылғасын бұл жерде іс тоқтамайды, керісінше қыза түспек. Себебі, осы маңда тағы бір 5 қабатты үйдің құрылысы бастау алмақ.

 

Маржан Касымбек

Бұдан әрі оқыңыз

Мамандандырылған ХҚКО-да жемқорлыққа жол ашық па?
Ауылдардағы ағайын таза ауыз сумен қамтылмақ
Көпбалалы отбасыларға берілетін жәрдемақы мөлшері өсті
Солтүстікқазақстандықтар Елбасыға үндеу жолдады
Жүк тиелген көліктер тексерілді
Өңір атынан Сенат депутаттығына үміткер тіркелді
Облыстық ауруханада заманауи МРТ аппараты іске қосылды
“Е-gov-тың үздік қолданушысы” байқауы өтті
Мемлекеттік қызмет көрсетудің сапасын арттыру
Новоишимское селосында 5 қабатты тұрғын үй салынуда
12 тамызда Сенат депутаттарының сайлауы өтеді
Өткен жылы «Бастау Бизнес» жобасы асында 2500 адам білім алған