СҚО-дағы азық-түлік қоры жеткілікті

Аптадағы маңызды жаңалықтар

21:40 13 Наурыз 2020

Кез келген жағдайға дайын болу керек. Бүгін облыстық әкімдікте жедел әрекет ету жасағының отырысы өтті.

Күн тәртібінде коронавирусқа қарсы күрес мәселесі қаралды. Қазір қауіпті дертке қатысты жағдай мемлекет басшысының қатаң бақылауында. Бұл ретте облыс әкімі Құмар Ақсақалов қоғамдық көліктердің дезинфекциялануын қадағалау қажеттігін айтты. Еске сала кетейік, жүргізушілер автобустарды әр рейс жасағаннан кейін зарарсыздандыруға міндеттеліп отыр.

Кәсіпорындар мен зауыттардың уақытылы өңделуін де жіті назарда ұстаған жөн. Жиында сауда орындары мен дүкендердегі аласапыран туралы да сөз қозғалды. Қазір Қазақстанның бірнеше қаласында тұрғындар сөрелердегі қант, ұн мен майды жаппай сатып алуда. Салдарынан, кейбір тауарлардың тапшылығы туындап, бағалары шарықтауда.

Құмар Ақсақалов – Солтүстік Қазақстан облысының әкімі:


– Тағы да қайталап айтам: “Біздің өңірде азық-түлік қоры жеткілікті”. Сондықтан, әбігерге салынудың қажеті жоқ. Дүкендерге ағылып, ажиотаж тудырмадыңыздар. Сондай-ақ, тек ресми ақпаратқа сенулеріңізді сұраймын.

Эльмира Садвокасова

Бұдан әрі оқыңыз

900 орынға арналған қазақ мектебі жыл соңында тапсырылады
Жұқпалы дертке шалдыққандарға арналған орындар көбейтіледі
Өңірде тағы 6 адамнан коронавирус табылды
Ғ.Мүсірепов ауданында биыл 234 км жол жөнделеді
Жергілікті “Нубаев шұжықтары” өнімдеріне сұраныс жоғары
Карантин қатаңдатылды
Жерлестерімізге Мемлекет басшысының медалі табысталды
Аймақ басшысы “Әкім сағаты” бағдарламасына қатысты
Облыс әкімдігінің отырысы
Облыстық көпбейінді ауруханада 200 орындық стационар ашылды
СҚО-да карантин қағидалары қайта қатаңдатылды
Мамлют аудандық ауруханасында күрделі жөндеу жүргізілуде