Су тасқынын алдын алу шаралары

Аптадағы маңызды жаңалықтар

21:56 10 Наурыз 2020

Осыдан 3 жыл бұрынғы қызыл су биыл қайта келуі мүмкін. Қызылжар ауданына қарасты Тепличное кентінде су тасқынының алдын алу шаралары жүріп жатыр. Қазіргі күні ауыл шетінде биіктігі – 3 метр, ал ұзындығы 300 метрге жететін балшық үйіндіні тұрғызу жұмыстары аяқталуға жақын.

Прибрежное селолық округіндегі Тепличное кентінде күнде қызу тірлік. Трактор мен самосвалдардың көмегімен ауыл шетіне мынадай балшық төгілуде. Жұмысшылар биіктігі 3 метрге дейін жететін үйінді жасап жатыр.

Самат Шаяхметов, Прибрежное селолық округінің әкімі, Қызылжар ауданы:

– Биыл қар көп жауды. Сол себепті, осыдан 3 жыл бұрын болған су тасқыны қайталануы мүмкін бе деп қауіптеніп отырмыз. Қазір ауылдың шетін балшықпен нығайтып жатырмыз. Бұл іске 10-ға жуық техника жұмылдырылған.

Тепличное кентінде 300-ге жуық үй бар. Мамандар тұрғындар арасында түсіндіру жұмыстарын жүргізіп жатырмыз дейді. Ал балшықтан жасалып жатқан үйінді жақын арада толығымен тұрғызылып бітпекші. Бүгінде оның ұзындығы 100 метрге жетіп қалыпты.

Ерлік Қапанов, Қызылжар аудандық төтенше жағдайлар бөлімінің бас маманы:

– Қазір тұрғындар арасында / су тасқыны болған жағдайда қалай әрекет ету керектігі жайлы түсіндіру жұмыстарын жүргізудеміз. 200-ге жуық баспананы аралап шықтық. Бұл бөгет суды тоқтата алады. Егер су үйіндіден асып кетсе тұрғындар уақытша Бескөл орта мектеп-гимназиясына көшіріледі.

Мамандар үйіндіні 300 метрге дейін созбақшы. Жұмыс осы аптаның ішінде аяқталуы тиіс.

Бердимурат Баймухан

Бұдан әрі оқыңыз

Қашықтықтан оқыту қалай жүзеге асырылады?
Халықаралық жүк тасымалына қатысты өзгерістер
СҚО-дағы азық-түлік қоры жеткілікті
Жедел әрекет ету штабының отырысы өтті
Шаһар маңына 6 блокпост қойылды
Өңір басшысы халыққа үндеуін жеткізді
3 сәуірде сағат 00: 00-ден бастап Петропавлда карантинге жіберілді
Елімізде коронавирусқа қарсы шаралар күшейтілді
Өңір басшысы халыққа үндеуін жасады
Коронавирусты жұқтырған жерлестеріміздің саны 18-ге жетті
Президент үндеуі