Абайдың өлеңдері мен қара сөздері адамға рухани азық береді. Бүгін қазақ мектеп-гимназиясында жергілікті университет оқытушылары және мектеп мұғалімдерінің қатысуымен дөңгелек үстел жиыны ұйымдастырылды. Шарада Абай туындыларының тағылымын жастардың бойына сіңіру жайлы сөз қозғалды.
Бұл – қазақ мектеп-гимназиясындағы Абай орталығы. Мұнда оқушылар өз қолдарымен киіз үй құрастырыпты. Ал мынадай сөрелерге ұлы ақынның шығармалары тізіліп қойылған. Ұл-қыздар кітаптан алған әсерін әйнектің үстіне құммен сурет салу арқылы жеткізеді екен. Кейін шараға келгендерге дөңгелек үстел жиыны ұйымдастырылды. Шара барысында Абайдың өмірі мен шығармашылығы тақырыбында сөз қозғалды.
Айнагүл Есқалиева – облыстық қазақ тілі мен әдебиеті пәні мұғалімдері зертханасының жетекшісі:
– Ұл-қыздарды ол кісінің ілімімен тәрбиелеп жатырмыз. Жстардың көбі ғылымға құштар.
Расымен де, Абайдың өлеңдері мен қара сөздері адамға рухани азық береді. Сондай-ақ, туындылары адамды ізгілік жасауға және оқып, білім алуға шақырады. М.Қозыбаев атындағы СҚМУ-нің өзінде ұлы ақынның шығармаларың тереңінен талдап, зерттеп-зерделеу мақсатында түрлі маңызды шаралар ұйымдастырылып жатыр екен.
Жанбай Қадыров – М.Қозыбаев атындағы СҚМУ профессоры:
– Университетте Абай тану курсы ашылды. О аптасына екі рет өткізіледі.
Айта кетейік, биыл Абай Құнабаевтің дүниеге келгеніне 175 жыл толады. Мерейтойға орай қаладағы мектептер мен университетте ұлы ақынға арналған шаралар жалғаса бермек.
Маржан Қасымбек