Өңірімізде бірнеше күннен бері ақтүтет боран соғып тұр! Мұның салдарынан дауылды ескерту жарияланып, жолдар жабылды.
Қазір құтқарушылар күшейтілген режимде жұмыс істеуде. Олар қаңтардың 23-і мен 24-не қараған түні Айыртау, Ғабит Мүсірепов, Шал ақын және Мамлют аудандарында қар құрсауында қалған 12 автокөлік пен 31 адамды құтқарады. Жалпы, жыл басынан бері өңірімізде 20-ға жуық дауылды ескерту жарияланған екен. Жолдар да бірнеше мәрте жабылған. Соңғы мәліметке сүйенсек, қар құрсауынан 74 көлік шығарылыпты. Құтқарылған адамдардың саны 224-ті құрайды. Оның 29-ы – бала. 34 мәрте апаттық-құтқару жұмыстары жүргізілген. Осы орайда айта кетейік, облыстық ТЖД өкілдері боранды күндері тұрғындарды қауіпсіздік ережелерін сақтап, алыс жолға шықпау қажеттігін ескертеді.
Байболат Бектемірұлы