Шал ақын ауданының тұрғыны 3 бірдей елікті атып алған

Құқық қорғау органдары

21:16 22 Қаңтар 2020

Браконьерлер бой беретін емес. Кеше ғана М.Жұмабаев ауданында 2 Сібір елігін атқан 3 жігіт қолға түскен еді, бүгін осындай факті Шал ақын ауданында тіркелді. Орда бұзар жас шамасындағы жігіт 3 бірдей елік аулаған.

88-ші жылы туылған Сергеевка қаласының тұрғыны Көктерек ауылының маңынан 3 бірдей Сібір елігін атып алады. Кейін, етін үйге әкеліп, жасырып қояды. Көп ұзамай заңсыз аңшылық фактісі жайлы хабар полицейлерге жетеді. Осылайша іздеу шаралары басталып, күдікті қолға түседі.

Самат Мұқажанов – Шал ақын аудандық полиция бөлімінің аға тергеушісі:

 – Күдікті сот шешімі шыққанша дейін қамауға алынды. Оның үйінен еліктің еті, «Yamaha» маркалы қарда жүретін техника мен «ВАЗ» көлігі анықталды. Сондай-ақ, баспанадан 2 аңшылық қаруы табылды.

Күдіктіге қатысты ҚК-тің 337 бабы бойынша іс қозғалыпты. Ер адамның кінәсі анықталса, жазаланатын болады. Айта кеткен жөн, қазір өңірімізде қаңтардың 6-нан бастап «Барконьер» алдын алу іс-шарасы өткізіліп жатыр. Оның аясында мамандар 185 заңбұзушылық фактісін анықтапты. Көбінесе тұрғындар аң аулау ережесін сақтамаған екен. Сондай-ақ, қаруды заңсыз қолдану және рұқсатсыз ағаш кесу бойынша 6 іс қозғалып, сотқа жіберіліпті.

Самир Рахматуллин – СҚО ПД табиғатты қорғау полициясының инспекторы:

– Акция барысында 7 текше метр ағаш кесілгені анықталды. Сондай-ақ, 6 Сібір елігін атқандар ұсталды. Қылмысқа қатысы бар тұрғындардың барлығы заңға сәйкес жазаланатын болады.

Осы орайда айта кеткен жөн, биылдан бастап заңнамаға өзгерістер енгізілді. Яғни, ҚК-тің 337 бабына сәйкес браконьерлерге салынатын айыппұл 160-тан 3 мың АЕК дейін өсті. Немесе заңды бұзғандар 10 жылға дейін бас бостандығынан айрылады. «Барконьер» алдын алу іс-шарасы ақпанның 5-не дейін жалғасады.

 

Маржан Касымбек

Бұдан әрі оқыңыз

Өңір тұрғындарының атына несие рәсімдеген шымкенттік ұсталды
Петропавлда жол-көлік апаты болып, 5 адам ауруханаға жеткізілді
Қос қылмыскер темір торға тоғытылды
Өңірде ауа райының қолайсыздығына байланысты жолдар жабылды
Полицейлер 170 млн теңгені тонауға қатысы бар күдіктіні ұстады
Қаңғыбас жандар қабылдап-тарату орнына жеткізілуде
СҚО-да басшылық қызметтегі полицейлер психологтардан дәріс алды
Облыста «Бұзушы» жедел-алдын алу іс-шарасы өтуде
Өзі басшылық ететін серіктестіктің астығын ұрламақ болған
Полицейлер жолда қалған көлік жүргізушілеріне көмектесті
Жолға немесе жол шетіне қар тастаған тұрғындар жазаланады
Литва елінен бет алған жүк көлігі діттеген жерге жеткізілді