Полицейге кәсіпкер қызметтік үй берді

Құқық қорғау органдары

21:37 10 Қаңтар 2020

Аққайыңдық кәсіпкер учаскелік полицейге су жаңа қызметтік үй берді! Оны іскер жан өз күшімен тұрғызып, тәртіп сақшысына сыйлауды жөн санаған. Трудовое селосында орналасқан баспананың жалпы ауданы 75 шаршы метрді құрайды.

Лейтенант Азатбек Темірханұлы 25 жаста. Ол бұрынғы Оңтүстік Қазақстан, қазіргі Түркістан облысында дүниеге келіпті. Өткен жылдан өңірімізде еңбек етіп жүр. Бүгін тәртіп сақшысына Трудовое ауылынан қызметтік үй берілді. Бұл село Аққайың ауданының орталығынан 5 шақырым жерде орналасқан.

Павел Леонов – «Санта-Мария» ЖШС басшысы, Аққайың ауданы:

– Үй жаңа, өзім тұрғыздым. Баспананы учаскелік полицейге бергім келдім. Бұл ұсынысымды аудан әкімі Рүстем Мұқашұлы қолдады.

Жасалған жағдайға маман өте қуанышты. Азамат жақында алғаш рет әке атанады екен. Ол – ауданға қарасты 4 бірдей ауылдың учаскелік инспекторы.

Азатбек Темірханұлы – Аққайың аудандық полиция бөлімінің учаскелік инспекторы:

– Мен Григорьевский селолық округіне жауап беремін. Мұнда Трудовое, Қанжығалы, Көктерек, Григорьевка атты ауылдар бар. Халық саны 1086-ны құрайды. Бүгін үйдің кілтіне қол жеткізіп отырмын. Бұған өте қуаныштымын.

Жиында Аққайың аудандық полиция бөлімі бастығының бірінші орынбасары Раил Галиев өткен жылды қорытындылай кетті. Маманның сөзінше былтыр ауданда 150-ден аса заңбұзушылық фактісі тіркеліпті. Оның 95 пайызының беті ашылған. Сонымен қатар, мас күйінде көлік жүргізген 61 адам ұсталыпты.

Байболат Култанов

 

Бұдан әрі оқыңыз

СҚО-да заңсыз қару сақтаудың 18-ші фактісі анықталды
Облыс тұрғыны 10 тоннадан астам астық ұрлаған
Полицейлер Жолдауда жүктелген міндеттерді талқылады
54 жастағы қала тұрғыны велосипед ұрлаған
Аққайын ауданында 24 жастағы жігіт пышақ жарақатынан қайтыс болды
Өңірде “Қауіпсіз жол” жедел-алдын алу іс-шарасы өткізіліп жатыр
Экстремистік мазмұндағы материал жариялаған жан жауапкершілікке тартылды
Аң аулау орындарында рейдтік шаралар өтуде
Наркограффитимен күрес
Автодабыл кодын бұзу арқылы көлік тонап жүрген ұры ұсталды
Өңір тәртіп сақшылары 2 тәулік ішінде 11 қылмыскерді құрықтады
Петропавлда еріктілер 40 қылмыстың бетін ашуға көмектескен